Actualidade CIG-Comunicación-
Vixencia Ano 2003. Salarios Suba Salarial: 6% con cláusula de revisión á alza IPC + 2 puntos. Número de pagas persoal nova entrada: Fin da discriminación para o persoal de nova entrada. Salario base categorías inferiores: Equiparación do Salario Base para aquelas categorías con retribucións por baixo do Salario Mínimo máis alto dos regulados por lei na Unión Europea. Xornada e Tempo de Libranza Xornada laboral: 35 horas en cómputo semanal. Libranza dos xoves polo serán. Horario de 8 a 15 horas. Vacacións: Incremento das vacacións a 27 días hábiles. Permisos: Seis días de licencia retribuída. Premio aos 25 anos de servicio: 27 días hábiles máis de vacacións. Horas extras: Calquera extensión da xornada deberá ser comunicada previamente aos Comités de Empresa. Mobilidade Xeográfica Dada a dispersión da poboación e a propia orografía do país, eliminación na Galiza dos desprazamentos ata os 25 km. Emprego Oferta Pública de Emprego: Regularase o acceso ás Caixas de Aforros mediante oposicións públicas. Compromiso de creación de emprego por empresas e por territorios. Contratación: A contratación será en tódolos casos mediante contrato indefinido, cun período de proba de 3 meses. Calquera contratación temporal dará dereito á percepción dunha indemnización de cinco días por mes traballado que se pagará rateada en cada nómina mensual. Utilización de ETT's: Durante a duración do Convenio as entidades comprometeranse á non utilización dos contratos de posta a disposición. O persoal que durante os últimos anos fora contratado por medio desta modalidade, formará parte dunha bolsa para a súa incorporación ao cadro de persoal das empresas. Carreira Profesional Auxiliares e Oficiais Segundas: Creación dun sistema de ascenso de categoría, promoción dende Auxiliar Administrativo "A" a Oficial Segunda en cinco anos; ascenso a Oficial Primeira aos dez anos. Clasificación de Oficinas: Categoría mínima en postos de responsabilidade Xefe de 6ª B. Saúde Laboral Creación dun Servicio Mancomunado Galego de Saúde Laboral. Recoñecemento dos postos de ventaíña como postos de traballo PVD (pantallas de visualización de datos). Regulación como dereito das recomendación establecidas na Lei de Saúde Laboral. Comisións Internas a Nivel de Empresa Creación dunha Comisión pola Igualdade de Oportunidades, que regulará o seguinte:
Comisión pola Normalización Lingüística: Esta Comisión constituirase como contribución á normalización lingüística do uso do galego nas empresas. Velará pola realización de cursos de idioma galego dentro do Plano de Formación Profesional; a súa asistencia e bo aproveitamento do curso serán compensadas cun permiso especial de dous días libres. Dentro dos cursos de Formación no ano 2003, un 50% serán impartidos en galego. Como criterio xeral para a cobertura de vacantes en oficinas situadas en Galiza, as Entidades comprometeranse a nomear traballadores/as con coñecemento do galego falado e escrito. Comisión de Formación: Esta Comisión participará tanto na elaboración dos Planes de Formación, como nos criterios de Selección do Persoal que asistirá aos cursos.
| |||
  | |||
ÚLTIMA REVISIÓN: 07/03/2003 |
