Actualidade Vigo, 24 de setembro de 2003 Convenio de Aforro Comunicado nº 8   CIG-Comunicación- cig.prensa@galizacig.com ACARL pide máis tempo ACARL aparenta terlle collida a medida aos interlocutores sociais estatais: as caixas de aforro están a marcar os modos e os tempos desta negociación. A data de hoxe seguimos sen coñecer qué pensan as caixas deste convenio, e piden máis tempo para seguir estudiando as propostas sindicais, marcando a seguinte reunión para o 14 de outubro. Dende a CIG anunciamos a nosa intención de continuar co proceso de mobilizacións que comezamos o 25 de xuño pasado, así como a posible impugnación dos artigos do convenio colectivo relativos ás categorías profesionais, se as caixas non se aveñen a negociar un novo sistema de clasificación profesional. Pola súa banda, CCOO e UGT fixeron entrega na mesa dunha relación de puntos en común; non é unha plataforma conxunta que contribúa a avanzar cara a, cada día máis necesaria, unidade sindical. Con esta tímida medida os sindicatos estatais tratan de desbloquear a negociación. Chegados a este punto, e para cambiar esta situación, consideramos que é imprescindible contar coa participación e colaboración de tódolos traballadores e traballadoras do sector, polo que facemos un chamamento á vosa asistencia ás distintas asembleas convocadas pola CIG. Galiza, 23 de setembro de 2003. Data e hora das Asembleas do Sector Financeiro (Banca e Aforro) A Coruña 24/09/03 19:00 horas Salón de Actos da CIG. Alfonso Molina, s/n-Edificio Sindicatos. Vigo 24/09/03 19:00 horas Salón de Actos da CIG. Gregorio Espino, 47 entrechán. Lugo 24/09/03 19:30 horas Instituto Lucus Augusti. Avenida Rodríguez Mourelo, s/n. A Estrada 24/09/03 17:00 horas Cafetería Plaza Ourense 25/09/03 19:00 horas AISS (Antiga Casa Sindical). Parque San Lázaro, 12-baixo.

Confederación Intersindical Galega www.galizacig.com ÚLTIMA REVISIÓN: 24/09/2003