Actualidade Vigo, 28 de novembro de 2003 Convenio da Banca Privada Comunicado nº 18   CIG-Comunicación- cig.prensa@galizacig.com   A manifestación que percorreu as rúas de Pontevedra ía encabezada por unha pancarta co lema “Convenio Galego XA; Eiquí traballamos eiquí negociamos”. (Ver reportaxe gráfica).   A CIG continúa as mobilizacións e solicita a intermediación do Ministerio de Traballo O pasado día 21 de novembro máis de 300 delegados/as da CIG (cifras da Voz de Galicia e do Faro de Vigo) de tódolos Comités de Empresa do sector financeiro na Galiza, participaron na manifestación convocada pola Federación de Banca e Aforro da CIG ante a ruptura da negociación do Convenio da Banca. A manifestación que percorreu as rúas de Pontevedra ía encabezada por unha pancarta co lema “Convenio Galego XA; Eiquí traballamos eiquí negociamos”. Dentro do proceso de mobilizacións que comezou o pasado mes de xuño, e despois das manifestacións de Santiago e Pontevedra, a CIG vén de convocar unha nova Manifestación Nacional para o día 19 de decembro, esta vez na cidade de Ourense. Por outra banda, a CIG solicitou oficialmente a intermediación da Dirección Xeral do Ministerio de Traballo para que convoque ás partes a unha reunión co fin de recompoñer a Mesa de Negociación. Primeiro paso para o desbloqueo da actual situación. En resume: A manifestación convocada pola CIG en Pontevedra contou con máis de 300 delegados/as segundo a prensa. Convocamos unha nova Manifestación Nacional o 19 de decembro en Ourense. A CIG solicitou a intermediación do Ministerio de Traballo para que convoque ás partes. Galiza, 27 de novembro de 2003. Imprime e difunde.

Confederación Intersindical Galega www.galizacig.com ÚLTIMA REVISIÓN: 28/11/2003