Actualidade Vigo, 23 de febreiro de 2004 Máis mostras de solidariedade   CIG-Comunicación- cig.prensa@galizacig.com   As compañeiras e o compañeiro en folga de fame (Carme Antas, Rosa Garrido e Fernando Leiro) ao fronte da caravana con delegados/as, afiliados e persoas que se achegaron á caravana a media mañá do domingo 22. Emilio López, deputado do BNG no Parlamento autonómico. O grupo “O trasniño do bosque”, de Lugo, en plena actuación como mostra de solidariedade cos compañeiros inxustamente condenados.   A caravana onde están realizando a folga de fame tres compañeiros da CIG continúa a recibir mostras de apoio. Ademais das numerosas persoas que se achegan á caravana para amosar a sua solidariedade cos compañeiros condenados polo Xulgado do Penal nº 2 de Lugo, por participar nun piquete informativo na folga do 20 de xuño de 2002, pasan o día cos compañeiros e compañeiras en folga rotativa, delegados/as da central sindical, cadros de dirección e personalidades de todo tipo. O domingo 22 de febreiro estiveron coas compañeiras e o compañeiro en folga de fame (Carme Antas, Rosa Garrido e Fernando Leiro) o deputado do BNG no Parlamento autonómico, Emilio López, e membros da Asociación Cultural “O Trasniño do Bosque” de Lugo, que realizaron varias interpretacións. Para o luns 23 de febreiro, unha nova quenda comeza a folga de fame. Foro-Debate O vindeiro 25 de febreiro, mércores, no Instituto Lucus Augusti, de Lugo, ás 20 horas, vaise realizar un Foro-Debate sobre “A evolución das liberdades” no que falaran: Carlos Slepoy (Madrid), avogado do caso Pinochet e desaparecidos na Arxentina; Antonio Segura (Madrid), avogado e presidente da Asociación Libre de Avogados; Xosé Anxo Brandariz García (A Coruña), profesor de direito penal da Universidade de A Coruña; Roque Méndez Robleda (Ourense), avogado penalista e laboralista, representante de Xustiza e Sociedade; Xermán Vázquez Díaz, avogado da CIG Lugo; e, como coordinador, Manuel Facorro Casal.

Confederación Intersindical Galega www.galizacig.com ÚLTIMA REVISIÓN: 23/02/2004 cig.informatica