Actualidade Santiago, 27 de abril de 2004 O acto central será na cidade de Ferrol A CIG convoca oito manifestacións para conmemorar o 1º de Maio   CIG-Comunicación- cig.prensa@galizacig.com   A CIG centrou este ano a súa campaña en torno ao 1º de Maio na loita contra a precariedade e o desemprego, cuestións que definen hoxe a situación da clase traballadora da nación galega.   Coa convocatoria de oito manifestacións en toda Galiza, a CIG conmemora o 1º de Maio, Día Internacional da Clase Traballadora, baixo o lema “Contra a precariedade, máis e mellor emprego”. O acto central, con presenza do secretario xeral, Suso Seixo, será na cidade de Ferrol. A CIG, que afronta esta data con convocatoria propia (dada a actual conxuntura sindical e nacional), centrou este ano a súa campaña en torno ao 1º de Maio na loita contra a precariedade e o desemprego, cuestións que definen hoxe a situación da clase traballadora da nación galega. As manifestacións terán lugar en: Ferrol: con saída ás 12:00 horas diante do local da CIG na Avenida de Esteiro. Pontevedra: con saída ás 12:00 horas da Praza da Ferrería. Ourense: con saída ás 12:30 horas do Pavillón de Deportes dos Remedios. A Coruña: con saída ás 11:30 horas da Praza de Vigo. Santiago de Compostela: con saída ás 12:30 horas da Alameda (con festa popular e xantar no Campus Universitario). Vigo: con saída ás 12:00 horas do Cruce da Doblada (Gregorio Espino) con Urzaiz. Lugo: con saída ás 12:00 horas diante dos locais sindicais na Ronda da Muralla (con festa popular e xantar nas Costas do Parque). A Mariña: con saída ás 12:30 horas da Praza da Fontenova de Viveiro.

Confederación Intersindical Galega www.galizacig.com ÚLTIMA REVISIÓN: 27/04/2004 cig.informatica