Actualidade Vigo, 31 de maio de 2004 Haberá manifestación en A Coruña, con saída ás 11 horas de Eurocen e remate diante de Atento, na rúa Xoán Flórez Por un convenio digno, convocada xornada de folga no sector de Telemárketing o mércores 9 de xuño   CIG-Comunicación- cig.prensa@galizacig.com   Dende a CIG faise un chamamento a todos os traballadores e traballadoras do sector de Telemárketing para que se sumen á folga do día 9 e para que participen na manifestación. Por un convenio digno!   Os paros de dúas horas convocados para os días 27 e 28 volveron contar co apoio dos traballadores/as de Telemárketing que reivindican un convenio digno para o sector. Foron convocados polos sindicatos presentes na mesa negociadora do convenio estatal, CIG, CGT, CCOO e UGT. O vindeiro día 9 de xuño as mobilizacións continuarán coa convocatoria dunha xornada de folga para todo o día. Previamente, o día 3 está previsto un cumio sindical en Madrid para analizar a marcha do proceso de mobilizacións e as medidas a tomar a continuación. Na cidade de A Coruña os sindicatos teñen chegado a un acordo para convocar unha manifestación de traballadores/as para o día 9 coincidindo coa xornada de folga. Inicialmente, pendente da autorización da Subdelegación do Goberno, está previsto que saia ás 11:00 horas da empresa Eurocen, para rematar diante da empresa Atento, ámbalas dúas na rúa Xoán Flórez. Dende a CIG faise un chamamento a todos os traballadores e traballadoras do sector de Telemárketing para que se sumen á folga do día 9 e para que participen na manifestación. Por un convenio digno!

Confederación Intersindical Galega www.galizacig.com ÚLTIMA REVISIÓN: 31/05/2004 cig.informatica