Actualidade Vigo, 3 de xuño de 2004 Dentro da campaña “Contra a precariedade e o desemprego” Mobilización en Compostela de 1.200 delegadas e delegados da CIG   CIG-Comunicación- cig.prensa@galizacig.com   O primeiro acto de protesta consistiu nunha concentración diante do Pazo de Congresos, onde se realizaba o 3º Congreso Internacional de Prevención de Riscos Laborais, para amosar o descontento cun evento que non vai tratar este tema coa profundidade que fai falla, xa que se centra case que exclusivamente nas cuestións técnicas, deixando ao marxe cuestións como a precariedade laboral en todas as súas formas (eventualidade, falta de contrato, xornadas excesivas, etc.) que son motivo fundamental do aumento dos accidentes e baixas laborais. (Ver reportaxe gráfica).   O mércores 2 de xuño a CIG realizou dúas mobilizacións en Santiago de Compostela, nas que participaron uns 1.200 delegados e delegadas de todas as comarcas da nación, desprazándose en numerosos autobuses e coches particulares á capital de Galiza. Concentración diante do Pazo de Congresos O primeiro acto de protesta consistiu nunha concentración, durante unha hora a partir das 10 da mañá, diante do Pazo de Congresos, onde se realizaba o 3º Congreso Internacional de Prevención de Riscos Laborais. Queríase deste xeito amosar dende a central sindical o descontento cun evento que non vai tratar este tema coa profundidade que fai falla, xa que se centra case que exclusivamente nas cuestións técnicas, deixando ao marxe cuestións como a precariedade laboral en todas as súas formas (eventualidade, falta de contrato, xornadas excesivas, etc.) que son motivo fundamental do aumento dos accidentes e baixas laborais. Dirixiuse aos delelegados-as o secretario xeral da CIG, Suso Seixo, cunhas breves palabras, e a continuación a secretaria confederal de Saúde Laboral, Carmen Antas, leu o manifesto da CIG a respecto do 3º Congreso Internacional de Prevención de Riscos Laborais, que ademais ía ser entregado aos congresistas presentes polos membros da CIG que asisten ao evento en representación da central.   A manifestación que percorreu varias rúas da cidade, rematou na Praza de Praterías, onde o secretario xeral da CIG, Suso Seixo, dirixiu unhas verbas aos delegados e delegadas, destacando que: a “precariedade non é un problema conxuntural, obedece a un modelo económico... estamos diante dunha loita difícil e as solucións non nos van vir dadas por propia iniciativa do poder, do governo ou da patronal... temos que confiar nas nosas propias forzas, seguir organizándonos, seguir reivindicando e sobre todo continuar mobilizándonos para arrincarlle ás empresas e aos governos medidas que nos permitan rebaixar a precariedade laboral existente...”. (Ver reportaxe gráfica).   Manifestación polas rúas de Compostela Ás 12 horas da mañá saíu da Alameda o segundo acto de protesta, unha manifestación que percorreu varias rúas da cidade. Rematou na Praza de Praterías, onde o secretario xeral dirixiu unhas verbas aos delegados e delegadas da CIG. Seixo salientou que “ Esta manifestación que baixo o lema A Precariedade Mata, xunto coa concentración que vimos de realizar no Pazo de Congresos forma parte da campaña para sensibilizar á opinión publica... para denunciar os altos índices de precariedade e desemprego existentes en Galiza...”. Engadindo a continuación que, o desemprego (14,64%) e a temporalidade (35%) da povoación activa “son dous principais problemas que temos hoxe a clase traballadora galega... a precariedade laboral normalmente vai acompañada de salarios baixos, xornadas laborais abusivas, altos índices de accidentes laborais, pensións baixas, desorganización...”. Destacou Seixo que a “precariedade non é un problema conxuntural, obedece a un modelo económico... estamos diante dunha loita difícil e as solucións non nos van vir dadas por propia iniciativa do poder, do governo ou da patronal... temos que confiar nas nosas propias forzas, seguir organizándonos, seguir reivindicando e sobre todo continuar mobilizándonos para arrincarlle ás empresas e aos governos medidas que nos permitan rebaixar a precariedade laboral existente... non podemos baixar a garda pensando de que como houbo cambio de governo xa temos os problemas solucionados. Experiencias anteriores non animan a ser moi optimistas...”. Durante o percorrido da manifestación berráronse consignas referidas aos motivos da protesta ou aos obxectivos da clase obreira, entre elas: Traballo temporal accidente laboral; Precariedade nunca máis; Contra o capital loita obreira e acción sindical; Traballo digno na Nosa Terra; Emprego estábel e con seguridade; Galiza ceibe e sen explotación.

Confederación Intersindical Galega www.galizacig.com ÚLTIMA REVISIÓN: 03/06/2004 cig.informatica