|
Actualidade
Vigo, 28 de outubro de 2004
Na tarde do mércores 27 de outubro
Concentración de delegados da CIG ante a oficina de Banesto en A Estrada
| |
 |
| Un 80% do persoal de Banesto en Galiza é
presionado para facer horas non declaradas máis alá da xornada laboral legalmente establecida. (Na foto: delegados da CIG en Banesto concentrados diante
da oficina do banco en A Estrada). |
 |
| En Banesto, en Galiza, fanse máis de
240.000 horas anuais non declaradas. Pérdese deste xeito a creación de 140 postos de traballo para
mozos e mozas en paro. (Na foto: Manuel
Valcárcel Rodríguez, delegado da Sección Sindical da CIG en Banesto, é entrevistado
polos medios. A súa esquerda, Anxo Freixido Seoane, secretario comarcal da Federación de Banca en
Santiago). |
| |
“Non ao fraude laboral en Banesto, cumprimento
do horario laboral ¡XA!” é o lema da pancarta que portaban os delegados da CIG que se concentraron
durante unha hora na tarde do mércores 27 de outubro diante da oficina Banesto en A Estrada.
A CIG, a través dos seus representantes,
teñe reclamado da dirección de Recursos Humanos do banco un xiro importante na súa política
de presión e de extensión ilegal da xornada. Non obstante a negativa e a cerrazón foron sempre, e ate agora, a única
resposta, polo que non houbo máis remedio que recorrer, como primeira acción, a este tipo de denuncias
públicas.
Durante a concentración repartiuse unha
nota informativa co seguinte texto:
240.000 horas anuais de fraude en Banesto-Galiza
Un 80% do persoal de Banesto en Galiza é
presionado para facer horas non declaradas máis alá da xornada laboral legalmente establecida.
Este fraude ten unha incidencia directa e claramente
negativa, tanto para os traballadores/as de Banesto como para a propia sociedade galega, polo que de insolidariedade
cara ao conxunto da poboación implica.
- En Banesto, en Galiza, fanse máis de 240.000
horas anuais non declaradas.
- Pérdese deste xeito a creación
de 140 postos de traballo para mozos e mozas en paro.
- Nos últimos 10 anos o cadro de persoal
de Banesto en Galiza reduciuse nun 20%, é dicir, 144 postos de traballo eliminados.
- Esta política utilizada polos responsables
de Banesto ten como resultado a destrucción de 284 postos de traballo netos.
- A esta prolongación de xornada non escapa
nin o persoal fixo, nin o contratado temporal, nin o que presta o seu servicio en Banesto a través das ETT’s,
que coa súa complicidade están máis pendentes do negocio que do cumprimento da lei.
- O medo á mobilidade xeográfica
é utilizado como medida de presión: os traslados fóra das cidades de orixe dos traballadores/as,
facilita a submisión de calquera empregado/a que pretenda manter o seu posto de traballo en Banesto.
Para Banesto, en Galiza, é máis
importante o mal entendido concepto dos resultados económicos e a productividade por empregado/a, que as
leis laborais vixentes.
A Sección Sindical da CIG en Banesto seguirá
mobilizándose ata acadar os seus obxectivos.
A Estrada, 27 de outubro de 2004.
|
