Actualidade Vigo, 19 de outubro de 2004 Sector Aforro Problemas da transposición de categorías   CIG-Comunicación- cig.prensa@galizacig.com   A transposición das categorías profesionais (definidas por funcións) a niveis salariais (definidos polas retribucións), será o punto máis problemático e controvertido.   Malia que o proceso de transposición de categorías xa se realizou nalgunhas empresas, será nos vindeiros meses cando se proceda a aplicar na maior parte do sector de Aforro. A transposición das categorías profesionais (definidas por funcións) a niveis salariais (definidos polas retribucións), será o punto máis problemático e controvertido. Apoderados As antigas categorías de xefaturas “A” e “B” intégranse nun único nivel salarial coa menor das retribucións, a das xefaturas “B”. Polo tanto en moitos casos o ascenso de oficina non suporá o ascenso de categoría profesional. Varias caixas, ante a necesidade de parchear o sistema, teñen anunciado a creación de complementos salariais. O que ata agora era un dereito será unha mellora voluntaria. Auxiliares “A” e Oficiais 2ª Os anteriores ao ano 1982 ascenderán por antigüidade ata Oficial Superior (nivel VI). Para os posteriores creouse un novo sistema de ascenso só ata nivel VIII (intermedio entre Oficial 2ª e Oficial 1ª). Realizando as mesmas funcións terán distintas categorías e salarios. Para os actuais Auxiliares “A” e Oficiais 2ª o ascenso a nivel VIII será a cambio da súa antigüidade, sendo absorbidos de 1 a 4 trienios. Cabe lembrar que os trienios anteriores ao Convenio 1992-1994 calcúlanse co coeficiente do 5% fronte ao 4% dos posteriores. No importe total a absorber é onde está a polémica dada a interpretación interesada das Caixas: O convenio establece que Interpretación da CIG O que fará a Patronal Quedarán absorbidos os trienios “xerados no seu día” e “en primeiro lugar o trienio ou trienios máis antigos”. Cremos que o importe a absorber por cada un dos trienios debe ser o xerado no seu día, é dicir, o valor económico do trienio no ano que se cumpriu. As caixas pretenden absorber os trienios antigos actualizados co valor de hoxe.   Por exemplo un trienio ao 5% de Oficial 2ª tiña un valor no ano 1985 de 3.961 pta, o de un Auxiliar “A” 3.523 pta. No caso anterior do Oficial 2ª absorberían 57,60 € (9.583 pta); no caso do Auxiliar “A” absorberían 51,37 € (8.547 pta). Coa interpretación que fan as Caixas absorberán un maior importe dos trienios e os Auxiliares “A” e os Oficiais 2ª cobrarán menos. Por outra parte a Carreira profesional quedaría desequilibrada e sería discriminatoria. Carreira Profesional dos actuais Oficiais 2ª e Auxiliares A Pola aplicación do convenio de aforro asinado recentemente, a continuación exponse como quedaría a carreira profesional dos actuais Oficiais 2ª e Auxiliares A. Convén lembrar que os trienios anteriores ao convenio colectivo 1992-1994 se calculan aplicando ao salario base o coeficiente do 5%; os posteriores calcúlanse cun coeficiente do 4% e teñen polo tanto menor valor económico. Carreira profesional segundo a interpretación das caixas Categoría e antigüidade na mesma Salario base/paga (euros) Salario base/paga nivel VIII Trienios absorbidos Incremento salarial/paga ascenso Oficiais 2ª anteriores 1989 1.152,00 1.275,56 2 trienios 5% Total 115,20 8,36 euros Oficiais 2ª posteriores 1992 1.152,00 1.275,56 2 trienios 4% Total 92,16 31,40 euros Auxiliares A anteriores 1989 1.027,52 1.275,56 2 trienios 5% 2 trienios 4% Total 184,95 63,09 euros Auxiliares A antigüidade 1989-1991 1.027,52 1.275,56 1 trienio 5% 3 trienios 4% Total 174,67 73,37 euros Con esta interpretación que fan as Caixas, absorbendo os trienios antigos actualizados, a maior antigüidade na categoría corresponde un menor incremento salarial derivado do ascenso. A carreira profesional sería desequilibrada e discriminatoria. Carreira profesional segundo a interpretación da CIG Categoría Antigüidade categoría Incremento salarial ascenso Oficial 2ª Marzo 1985 57,13 € Oficial 2ª Marzo 1993 45,67 € Auxiliar A Marzo 1987 109,47 € Auxiliar A Marzo 1991 95,29 € Absorbendo os trienios segundo o valor económico xerado no seu día, a carreira sería equilibrada, obtendo un maior beneficio tódolos traballadores/as pero especialmente os máis antigos/as na categoría. Ante esta situación a CIG solicitou da “Comisión Mixta Interpretativa” que estableza cal é a interpretación correcta, e a Asesoría Xurídica do sindicato prepara un posible Conflicto Colectivo.

Confederación Intersindical Galega www.galizacig.com ÚLTIMA REVISIÓN: 19/10/2004 cig.informatica