Actualidade Santiago, 5 de novembro de 2004 Esta autorización, que senta precedente, permitiría a deslocalización da empresa Atento A AEPD autorizou transferencia dos datos dos clientes de Telefónica a Marrocos, país considerado “non seguro”   CIG-Comunicación- cig.prensa@galizacig.com   Na pregunta, o deputado Francisco Rodríguez destaca o grave impacto social que a deslocalización tería sobre o emprego -máis de 600 empregos só en A Coruña-. Dende a CIG lémbrase que a anterior deslocalización do servicio coñecido como “1003” saldouse coa perda de 444 postos de traballo en todo o Estado. (Foto: Manifestantes xunto á sede da Empresa Atento “por un convenio xusto, non á precariedade laboral” no sector de Telemárketing, A Coruña 09/06/2004).   Francisco Rodríguez, deputado do BNG, anunciou o xoves 4 de novembro en rolga de prensa a presentación, a petición da CIG, dunha pregunta ao Goberno no Parlamento español para que explique a autorización de transferencia internacional de datos dada pola Axencia de Protección de Datos (AEPD) a “Telefónica de España S.A.U.” e a “Atento Teleservicios España, S.A.”. Esta autorización pode abrir o camiño para a deslocalización do sector do telemárketing para Marrocos como xa aconteceu en Francia. A pregunta dirixida ao Goberno faise eco da irregularidades denunciadas pola CIG. A autorización concédese a “Atento Teleservicios España sucursal Marruecos”, empresa que non existe no rexistro. Transferíronse datos de clientes e incluso de ex-clientes e potenciais clientes sen o visto bon dos mesmos, malia ser obrigatorio por Lei. Por outra banda, Marrocos é, dende o punto de vista da protección de datos, un país considerado non seguro, xa que non ten lexislación ao respeito. Na pregunta, o deputado Francisco Rodríguez destaca o grave impacto social que a deslocalización tería sobre o emprego -máis de 600 empregos só en A Coruña-. Dende a CIG lémbrase que a anterior deslocalización do servicio coñecido como “1003” saldouse coa perda de 444 postos de traballo en todo o Estado. O BNG pregúntalle ao Goberno polas actuacións que o Executivo, ou mesmo a fiscalía, realizarán para frear a ilegal transferencia de datos, e como se fará uso da “acción de ouro” en Telefónica para frear esta deslocalización que califican de anti-social. Pregunta tamén se o Goberno manterá o servicio público 900 da Dirección Xeral de Tráfico que presta Atento dende Marrocos.

Confederación Intersindical Galega www.galizacig.com ÚLTIMA REVISIÓN: 05/11/2004 cig.informatica