|
Actualidade
Vigo, 26 de novembro de 2004
Concentración de delegados
da CIG diante da oficina principal de Banesto en Lugo
| |
 |
 |
| Un 80% do persoal de Banesto en Galiza é
presionado para facer horas non declaradas máis alá da xornada laboral legalmente establecida. Este
fraude ten unha incidencia directa e claramente negativa, tanto para os traballadores/as de Banesto como para a
propia sociedade galega, polo que de insolidariedade cara ao conxunto da poboación implica. (Fotos: ©Manolo Valcárcel e Xosé
Valcárcel, 24/11/2004). |
| |
|
Na tarde do día 24 de novembro, delegados
da CIG concentráronse durante unha hora diante da oficina principal de Banesto en Lugo coa xa coñecida
pancarta na que se reclama sinxelamente que se cumpra a Lei, baixo a reivindicación: “Non ao fraude laboral
en Banesto, cumprimento do horario laboral ¡XA!”.
A CIG, por medio dos seus representantes ten reclamado
da dirección de Recursos Humanos do banco un xiro importante na súa política de presión
e de extensión ilegal da xornada, non obtendo até agora máis resposta que “o silencio”, polo
que non queda outro remedio que seguir recorrendo a este tipo de denuncias públicas. Os delegados anuncian
que seguirán na loita ata obter os seus obxectivos.
Durante a concentración volveu repartiuse
a nota informativa que xa se repartira nas mobilizacións anteriores, denunciando o fraude nas horas extras, co seguinte texto: “240.000 horas anuais
de fraude en Banesto-Galicia”.
Un 80% do persoal de Banesto en Galiza é
presionado para facer horas non declaradas máis alá da xornada laboral legalmente establecida.
Este fraude ten unha incidencia directa e claramente
negativa, tanto para os traballadores/as de Banesto como para a propia sociedade galega, polo que de insolidariedade
cara ao conxunto da poboación implica.
- En Banesto en Galicia fanse máis de 240.000
horas anuais non declaradas.
- Pérdese deste xeito a creación
de 140 postos de traballo para mozos e mozas en paro.
- Nos últimos 10 anos o cadro de persoal
de Banesto en Galicia reduciuse nun 20%, é dicir, 144 postos de traballo eliminados.
- Esta política utilizada polos responsables
de Banesto ten como resultado a destrucción de 284 postos de traballo netos.
- A esta prolongación de xornada non escapa
nin o persoal fixo, nin o contratado temporal, nin o que presta o seu servicio en Banesto a través das ETTs,
que coa súa complicidade están máis pendentes do negocio que do cumprimento da lei.
- O medo á mobilidade xeográfica
é utilizado como medida de presión: os traslados fóra das cidades de orixe dos traballadores/as,
facilita a submisión de calquera empregado/a que pretenda manter o seu posto de traballo en Banesto.
Para Banesto en Galiza, é máis importante
o mal entendido concepto dos resultados económicos e a productividade por empregado/a, que as leis laborais
vixentes.
Lugo, 24 de novembro de 2004.
|
