Actualidade Vigo, 24 de novembro de 2004 As traballadoras e traballadores de Avigán denunciaron a actitude insolidaria e caciquil do alcalde do PP ante o peche da empresa Éxito da folga xeral en Ponteareas   CIG-Comunicación- cig.prensa@galizacig.com   Durante a concentración diante do Concello, na que participaron uns mil veciños, o alcalde foi asubiado e tivo que escoitar os berros acesos da protesta pola súa actitude insolidaria e caciquil. Descarga o vídeo. (Formato do vídeo: Windows Media Video [wmv], duración: 3'45'', espacio en disco: 9.507.332 bytes [9,06 Mb]).   O martes 23 de novembro realizouse unha folga xeral no Concello de Ponteareas convocada polo Comité de Empresa de Avigán e polas centrais sindicais CIG, CCOO e UGT. O paro foi de 11 a 12 horas da mañá coincidindo cunha concentración fronte ao edificio do Concello. Con esta mobilización as traballadoras e traballadores desta empresa, que a direción pretende pechar, queren denunciar e repudiar (máis unha vez) a actitude do alcalde do PP, que até o momento “pasou” de procurar unha solución a este grave problema, que atinxe a un gran número de familias da comarca. Unha actitude incomprensíbel xa que el debía ser quen máis apoiara a continuidade da fábrica, máxime nunha bisbarra na que non abonda a industria e as taxas de paro son moi altas. Durante a concentración diante do Concello, na que participaron uns mil veciños, o alcalde foi asubiado e tivo que escoitar os berros acesos da protesta pola súa actitude insolidaria e caciquil (tal como se pode ollar no vídeo anexo a esta nota informativa).

Confederación Intersindical Galega www.galizacig.com ÚLTIMA REVISIÓN: 24/11/2004 cig.informatica