Actualidade Vigo, 19 de novembro de 2004 A negociación do convenio continúa bloqueada O persoal de telemárketing volverá á folga no mes de decembro   CIG-Comunicación- cig.prensa@galizacig.com   Dentro da campaña de mobilizacións que incluirá a convocatoria das xornadas de folga, a CIG ten previsto denunciar xunto ás grandes empresas de telemárketing radicadas na Galiza, ás administracións públicas e empresas galegas propietarias ou usuarias de subcontratas de telemárketing.   Os vindeiros 7, 23 e 30 de decembro CIG, CGT, UGT e CCOO teñen convocadas novas xornadas de folga para o sector do telemárketing en todo o Estado. Non puido ser. A mediación prevista para o día 18 de novembro no SIMA (Servicio de Intermediación e Arbitraxe) en Madrid saldouse sen conciliación. A parte social rexeitou a arbitraxe xa que practicamente era unha transcrición da plataforma patronal. A conflictividade volverá ao sector do telemárketing no mes de decembro ao estar chamados todos os traballadores e traballadoras do sector a novas xornadas de folga para os días 7, 23 e 30 de decembro. A arbitraxe rexeitada consistía nos seguintes puntos: Xornada 2 días de asuntos propios. Redución de xornada en 16 horas: 8 horas menos no ano 2005 e 8 horas menos no ano 2006. Ampliación das bandas horarias das quendas de traballo Movemento das bandas horarias aumentando unha hora pola mañá e unha hora máis pola tarde. Subrogación, contrato indefinido e indemnización Someterse a unha “arbitraxe en equidade”, o que lle permitiría gañar tempo á patronal. Salario 2004: IPC real con cláusula de revisión; 2005: IPC + 0,75 e 2006: IPC + 1%. A subrogación e a loita contra a temporalidade quedaría adiada sen data pola “arbitraxe en equidade”; ampliaríanse as bandas horarias como pretende a patronal desregulando a xornada laboral e non recolle as melloras salariais defendidas polos traballadores/as. Dentro da campaña de mobilizacións que incluirá a convocatoria das xornadas de folga, a CIG ten previsto denunciar xunto ás grandes empresas de telemárketing radicadas na Galiza, ás administracións públicas e empresas galegas propietarias ou usuarias de subcontratas de telemárketing.

Confederación Intersindical Galega www.galizacig.com ÚLTIMA REVISIÓN: 19/11/2004 cig.informatica