Actualidade A Coruña, 31 de decembro de 2004 Desmarque vergoñento de CCOO e UGT Última xornada de Folga das convocadas en decembro polo Convenio de Telemárketing en A Coruña   CIG-Comunicación- cig.prensa@galizacig.com   A xornada estivo marcada polo desmarque vergoñento de CCOO e UGT desta mobilización, ante o fracaso da súa negociación trapichera coa patronal, ás costas dos demais sindicatos. (Fotos: ©galizacig.com, A Coruña 30/12/2004).   O día 30 de decembro, cunha concentración diante da empresa “Atento”, a maior empresa do sector de Telemárketing na Galiza, pecháronse as mobilizacións convocadas para o mes de decembro na loita por un Convenio Digno para este sector. A xornada estivo marcada polo desmarque vergoñento dos sindicatos CCOO e UGT desta última mobilización, ante o fracaso da súa negociación trapichera coa patronal, ás costas dos demais sindicatos. Aínda así, á CIG e a CGT decidiron non desconvocar a folga para que o persoal do sector tivera a oportunidade de dar unha contestación á patronal e, ao mesmo tempo, denunciar as actuacións de CCOO e UGT, que están levando a negociación do convenio a unha situación sen saída. Despois dun ano de conflito, e a pesares do entreguismo destes dous sindicatos, os feitos confirman que a loita por un Convenio Digno para o sector de Telemárketing sigue en pé.

Confederación Intersindical Galega www.galizacig.com ÚLTIMA REVISIÓN: 31/12/2004 cig.informatica