Actualidade Vigo, 25 de xaneiro de 2005 A CIG participa no Foro Social Mundial de Porto Alegre   CIG-Comunicación- cig.prensa@galizacig.com   A CIG participou en todos os encontros que se realizaron do Foro Social Mundial, o último deles na cidade India de Mumbai. (Foto: FSM Mumbai, ©Antônio Milena/ABr 16/01/2004).   Entre os días 26 e 31 de xaneiro celébrase na cidade de Porto Alegre o Foro Social Mundial, ao que acoden miles de organizacións sociais e activistas de todo o mundo que se opoñen á globalización e ás políticas neoliberais. A CIG participou en todos os encontros que se realizaron do FSM, o último deles na cidade India de Mumbai. Este ano o Foro retorna á capital de Río Grande do Sul, o máis austral dos estados do Brasil. Por parte da CIG acoden ao evento Manuel Mera, secretario confederal de Formación Sindical e Migración, e Xesús Ramón González Boán, director do Departamento de Relacións Internacionais da central. A CIG estará presente, entre outros eventos, o día 28 de xaneiro nun seminario sobre “A crise do capitalismo, a ofensiva neoliberal contra o traballo e a resposta do movemento sindical” na que participan ademais CTC (Cuba), CGTP (Portugal) e UNT (Venezuela). O moderador é un membro da Corrente Sindical Clasista (CUT, Brasil).

Confederación Intersindical Galega www.galizacig.com ÚLTIMA REVISIÓN: 25/01/2005 cig.informatica