|
Actualidade / Opinión 
Santiago, 28 de xaneiro de 2005
DESDE
O VENTRE
DA BALEA
Iraq unha vez máis
Máis alá da contraditoria avaliación
-hoxe máis que superada- do que supuña o Iraq do partido Baas e de Saddam, o que resulta innegábel
é hoxe por hoxe o pobo iraquí na súa gran maioría condena, cando non combate, a guerra
e a ocupación do seu país. Cóntanse por millares os homes e mulleres que forman parte xa dese
“exército nas sombras” que loita contra o invasor, mesmo até a inmolación persoal.
| |
 |
| En escasos días terá lugar en
Iraq a farsa electoral argallada polo imperialismo norteamericano e os seus lacaios. Entre mentres, a resistencia
iraquí segue a gañar en capacidade militar, en efectivos e en extensión. |
| |
En escasos días terá lugar en Iraq
a farsa electoral argallada polo imperialismo norteamericano e os seus lacaios. Entre mentres, a resistencia iraquí
segue a gañar en capacidade militar, en efectivos e en extensión. Unha resistencia que, malia a enfrontarse
á que é se cadra a maquinaria guerreira con maior capacidade de matar da historia da humanidade,
está a dar toda unha lección de dignidade, dobregando as forzas invasoras día si, día
tamén.
A súa é tamén unha lección
para o resto dos pobos e nacións do mundo, que contemplan como o poderío norteamericando sucumbe
ante a exemplar resposta do pobo de Iraq. A resistencia iraquí non é senón os restos que emerxen
dun país arrasado e espoliado, país que aos ollos do imperio significaba unha illa insubmisa aos
interes do capital e dos seus gardiáns.
Así, resulta patético ver como boa
parte da prensa occidental (ao servizo dos intereses do capital e do imperio) se esforza en cualificar de ‘terroristas’
o que son simples actos de resistencia á ocupación.
E resulta aínda máis patético
cando todo isto coincide coa conmemoración do 60 aniversario da liberación polas tropas do Exército
Vermello do campo de exterminio de Auschwitz, onde o xermolo de imperio nazi gaseou e aniquilou a millares e millares
de persoas.
Algún día a Historia, máis
cedo que tarde, deberíanos dar o gusto de poder ver como son xulgados como ‘criminais de guerra’ individuos
como o presidente dos Estados Unidos, George Bush. Ese día a humanidade podería durmir coa consciencia
un pouco máis tranquila.
Santiago de Compostela, 27 de xaneiro de 2005.
Rafa Villar é escritor e responsábel
do Departamento de Normalización Lingüística da CIG.
|
