Actualidade Vigo, 8 de marzo de 2005 Situación laboral da muller en Caixa Galicia   CIG-Comunicación- cig.prensa@galizacig.com   Caixa Galicia é unha empresa masculina dirixida por homes. A nova carreira profesional afecta sobre todo ás mulleres; o número de compañeiras no nivel XII, cando a incorporación á empresa nos últimos cinco anos foi paritaria, reflicte que os homes ascenden antes. (Foto: Acto reivindicativo na celebración do Día da Muller Traballadora 2003, en Vigo. Lenda central: “Discriminación para acceder a categorías superiores”. ©Fernando Pol).   A Sección Sindical da CIG en Caixa Galicia vén de facer público un informe no que analiza a situación da muller dentro da empresa e a súa inserción na carreira profesional creada no Convenio de Aforro 2003-2006. Reproducimos a continuación o comunicado que se repartirá o día 8 de marzo entre o persoal da empresa. 8 de marzo, Día da muller traballadora Situación laboral da muller en Caixa Galicia Na nosa empresa, as mulleres pasamos máis tempo con contratos temporais antes de pasar a fixas que os homes e a carreira profesional como apoderadas ten como tope as Intervencións; son moi raros os casos de mulleres Directoras ou Xefas de Zona. Pero a pregunta é ¿discrimina Caixa Galicia ás mulleres? Trataremos de contestala en base aos datos do cadro de persoal a nivel galego. Presenza da muller na Alta dirección de Caixa Galicia O primeiro é analizar quen manda na empresa, e temos que dicir que a presenza das mulleres na alta Dirección da Empresa, nos niveis retributivos I e II é moi cativa. Nivel Total cadro persoal Mulleres % mulleres I 76 3 3,94 II 188 15 7,97 Fonte: Censo Persoal Galiza. Xaneiro 2005. A quen afecta a nova carreira profesional? A carreira profesional creada no Convenio 2003-2006, limita o ascenso ata o nivel VIII. Así, este persoal realiza as mesmas funcións que os/as antigos Oficiais Primeira e Superiores, pero teñen unhas retribucións menores. O seguinte paso pois é analizar a carreira profesional. Persoas entre nivel VIII e XIII Mulleres % mulleres 586 357 60,00 Fonte: Censo Persoal Galiza. Xaneiro 2005. Distribución por categorías na nova carreira profesional Nivel Total Mulleres % mulleres VIII 107 51 47,66 IX 65 34 52,30 X 60 35 58,33 XI 22 12 54,54 XII 293 207 70,64 XIII 39 18 46,15 Fonte: Censo Persoal Galiza. Xaneiro 2005. A nova carreira profesional afecta sobre todo ás mulleres; o número de compañeiras no nivel XII, cando a incorporación á empresa nos últimos cinco anos foi paritaria, reflicte que os homes ascenden antes. Caixa Galicia é unha empresa masculina dirixida por homes. É necesario introducir cambios estruturais que permitan a integración real das mulleres.

Confederación Intersindical Galega www.galizacig.com ÚLTIMA REVISIÓN: 08/03/2005 cig.informatica