Actualidade Santiago, 29 de xullo de 2005 A CIG demanda medios suficientes para atopar o corpo do traballador falecido no Porto Exterior   CIG-Comunicación- cig.prensa@galizacig.com   A lancha “Salvamar Dubhe” é o único recurso que Salvamento Marítimo mantén na zona do accidente.   A CIG de A Coruña demanda que, con urxencia, se poñan todos os medios necesarios para a localización e recuperación do cadáver do traballador falecido en accidente laboral nas obras do Porto Exterior, en Punta Langosteira. O mércores 27 de xullo a CIG de A Coruña mantivo unha reunión co xefe da Inspección Provincial de Traballo para facer seguimento das actuacións da Inspección con motivo da denuncia presentada pola CIG contra a UTE e a Autoridade Portuaria o 21 de xullo, tras do accidente mortal de Punta Langosteira. Desde a CIG trasladóuselle á inspección a importancia e a necesidade de que se produzan resultados rápidos e inmediatos no esclarecemento dos feitos e na definición das graves responsabilidades das empresas e da Autoridade Portuaria neste accidente. Ao tempo, demandouse a adopción de medidas de seguridade precisas para que no futuro non se repitan máis accidentes nesta obra. A Inspección de Traballo informou que estas actuacións están iniciadas e que, en breve estarán rematadas.

Confederación Intersindical Galega www.galizacig.com ÚLTIMA REVISIÓN: 29/07/2005 cig.informatica