|
Actualidade CIG-Comunicación-
Reproducimos a continuación o comunicado de prensa emitido pola CIG de Verín. Pois ben, hoxe, para sorpresa da Confederación Intersindical Galega (CIG), do Comité de Folga e imaxinamos que de toda a cidadanía, José Juan Puga, obviando a resolución xudicial de suspensión cautelar, propuxo a esta central sindical e aos traballadores a realización duns servizos, por el chamados “mínimos”, nun número de 8 traballadores/as designados. É dicir, se o anterior decreto foi suspendido por desproporcionado, a proposta actual (superior en 2 traballadores) constitúe unha auténtica burla á cidadanía, desprezo as decisións xudiciais e unha evidente intención de non querer arranxar o conflito. Se onte os políticos da Limia non responderon ao chamamento desta central sindical para arranxar unha folga que está a afectar aos veciños da comarca enteira, hoxe búrlanse de todos tentando pasar por riba das decisión xudiciais. O Comité de Folga da Mancomunidade de Concellos da Limia e a CIG manifestamos a nosa absoluta repulsa á tomadura de pelo que os dirixentes da Mancomunidade veñen realizando desde que comezara a folga, aos traballadores/as e veciños/as da comarca da Limia. O Partido Popular, gobernante na Mancomunidade e, concretamente, José Juan Puga, non teñen a máis mínima intención de arranxar un problema que eles mesmos crearon, porque sinxelamente son uns “incapaces”. Así, diante da inacción da Mancomunidade, da burla permanente cara á cidadanía e do desprezo ás decisións xudiciais, a Confederación Intersindical Galega e o Comité de Folga imos rexistrar, durante a tarde de hoxe, unha proposta de servizos esenciais para a comunidade. Unha proposta dirixida á Mancomunidade de Concellos, á Subdelegación do Goberno, á Consellaría de Traballo, de cara a autorregular estes servizos, para que a cidadanía non teña que seguir a agardar por unha decisión que a Mancomunidade non quere tomar. Os traballadores/as, exercendo as nosas responsabilidades como cidadáns, vémonos na obriga de propor a autorregulación (por primeira vez nun conflito laboral) dos servizos esenciais para a comunidade, posto que a Administración fai deixazón de funcións e semella que ten interese en non resolver os problemas. Daquela, e sen renunciar as accións xudiciais emprendidas, como xesto de boa vontade cos veciños da Limia, e no exercicio das nosas responsabilidades cidadáns, o Comité de Folga e a CIG propomos o establecemento dos seguintes servizos esenciais, en réxime de autorregulación e de acordo cos principios de motivación, proporcionalidade, imparcialidade e legalidade:
Criterios para o desenvolvemento da prestación de servizos esenciais: a) Os traballadores/as designados para cubrir os servizos mínimos efectuarán este traballo de xeito rotatorio, por semanas. b) Tal e como estabelece a lei, queda prohibida a mobilidade funcional entre servizos. c) A bordo de cada camión do lixo só poderán ir 1 condutor e 1 pión, como número máximo total de traballadores. A maiores, temos que manifestar, que se a Mancomunidade segue a desgobernar e a pasar dos problemas dos seus veciños e traballadores/as, nós mesmos estudaremos, no caso de non recibir unha resposta inmediata, a posta en marcha destes servizos.
|
|||||||||||||||||||||||||||||||||
|
|||||||||||||||||||||||||||||||||
|
ÚLTIMA REVISIÓN: 31/08/2005 |
