Actualidade Santiago, 20 de setembro de 2005 O martes 20 de setembro ás 18:00 horas na biblioteca de Marín A CIG convoca unha asemblea de mariñeiros dos buques que faenan no caladoiro NAFO   CIG-Comunicación- cig.prensa@galizacig.com   A convocatoria coincide tamén co comezo do cumio anual de NAFO, que se celebra entre o 19 e o 23 de setembro na localidade de Tallín (Estonia), onde se regularán as posibilidades de pesca para a flota NAFO no 2006.   A sección do Mar da FGAMT-CIG vén de convocar unha asemblea de mariñeiros dos buques que faenan no caladoiro NAFO para o martes, día 20 de setembro, ás 18:00 horas, na biblioteca de Marín. Xabier Aboi, responsábel da sección de CIG-Mar explica que esta convocatoria se realiza para analizar a situación na que se atopan os mariñeiros pola imposibilidade de capturar máis fletán e diante dos escasos ou nulos intentos de negociar medidas sociais por parte do Goberno central coas organizacións sindicais. A convocatoria coincide tamén co comezo do cumio anual de NAFO, que se celebra entre o 19 e o 23 de setembro na localidade de Tallín (Estonia), onde se regularán as posibilidades de pesca para a flota NAFO no 2006, e no que se prevé un endurecemento aínda maior das condicións actualmente existentes.

Confederación Intersindical Galega www.galizacig.com ÚLTIMA REVISIÓN: 20/09/2005 cig.informatica