Actualidade Santiago, 22 de setembro de 2005 O seguimento foi do 100% agás os servizos mínimos Reanúdase a folga na empresa de transporte Arriva Noroeste SL   CIG-Comunicación- cig.prensa@galizacig.com   O Comité de Folga denuncia que por parte da empresa Arriva Noroeste estase a practicar a esquirolaxe, xa que está subcontratando coa empresa Vázquez parte dos seus servizos, unha práctica ilegal que anuncian “será denunciada no seu momento”. (Foto: ©Fernando Pol).   O folga convocada pola FGAMT-CIG en Arriva xunto con UGT, CUT e CCOO reanudouse o pasado mércores día 21 e continuará até o 23 de setembro. A sección de Transportes da CIG denuncia o intento da empresa de converter a folga, provocada por un conflito laboral, nun problema de seguridade cidadá. O Comité de Folga de ARRIVA NOROESTE manifesta a súa satisfacción polo seguimento do 100% na xornada de folga do día 21, na que só se moveron os servizos mínimos. O Comité de Folga denuncia que por parte da empresa estase a practicar a esquirolaxe, xa que está subcontratando coa empresa Vázquez parte dos seus servizos, unha práctica ilegal que anuncian “será denunciada no seu momento”. Xesús Pastoriza, responsábel da sección de Transportes da CIG e portavoz sindical, denuncia os intentos da empresa de manipular á opinión pública convertendo a folga nun problema de seguridade cidadá ao anunciar “dispositivos especiais de seguridade” dados os “sucesos” dos últimos días. Pastoriza aclara que o “dispositivo especial” existe desde o primeiro día de folga. Tanto é así que na estación de Ferrol había 6 vixiantes xurados, cando adoita haber un. “Desde o primeiro momento quixeron facer disto un problema de orde público para distraer á opinión pública da verdadeira realidade do conflito”, explica e para evitar sentarse a negociar. Fronte ás acusacións sindicais de que a empresa ten impagos cos traballadores, que incumpre a legalidade en materia de contratación e xornada, que hai escurantismo na venda da empresa ou que os despedimentos son inxustos, “desde a dirección de Arriva fálase de presuntos problemas de orde público novamente”. A CIG demanda que se convoque, de inmediato, a mesa de negociación e se informe adecuadamente á opinión pública sobre os servizos mínimos, na vez de facelo as organizacións sindicais, como está a ocorrer neste momento.

Informacións relacionadas 2005/07/A FGAMT demanda do bipartito que non se autorice a segregación das liñas de Arriva 2005/07/CIG-Transportes de A Coruña advirte do perigo de desmantelamento de Arriva 2005/06/A FGAMT denuncia que o plan de transporte metropolitano na comarca de A Coruña é propaganda 2005/05/A patronal imposibilita o acordo para evitar a folga de transporte de A Coruña a partir do 16 de maio 2005/01/Convocada nova folga en Transportes Arriva para os días 14 e 15 de febreiro 2000/05/Finaliza a folga en Arriva logo de que a empresa readmitise ao traballador despedido 2000/05/Os traballadores de Arriva manteñen a folga

Confederación Intersindical Galega www.galizacig.com ÚLTIMA REVISIÓN: 22/09/2005 cig.informatica