Actualidade Santiago, 21 de setembro de 2005 O xuízo celebrarase o próximo 25 de outubro en Lugo Solicitan un ano de cadea para Suso Seixo polas súas declaracións contra a sentenza aos sindicalistas de Lugo   CIG-Comunicación- cig.prensa@galizacig.com   Suso Seixo, no centro da pancarta de cabeza da manifestación que polas liberdades e contra a represión tivo lugar na cidade de Lugo o 29 de febreiro de 2004. (Foto: ©Fernando Pol).   O próximo 25 de outubro terá lugar en Lugo o xuízo contra o secretario xeral da CIG, Suso Seixo, polas declaracións que realizou o 5 de febreiro de 2004 tras coñecerse a sentenza que condenaba aos tres compañeiros de Lugo a máis de 15 anos de cadea por ter participado nun piquete na Folga Xeral do 20 de xuño de 2002. A acusación solicita a pena dun ano de prisión e de inhabilitación especial para o dereito de sufraxio pasivo durante o tempo que dure a condena por un suposto delicto de calumnias e á pena de 10 meses de multa, cunha cota diaria de 12 euros e coa responsabilidade persoal subsidiaria determinada no artigo 53 do Código Penal, por cada un dos dous supostos delictos de inxurias.

Confederación Intersindical Galega www.galizacig.com ÚLTIMA REVISIÓN: 21/09/2005 cig.informatica