Actualidade Santiago, 6 de outubro de 2005 O resto do cadro de persoal mantén a folga indefinida Comezou a folga de fame dos dous traballadores de Arriva Noroeste despedidos   CIG-Comunicación- cig.prensa@galizacig.com   Os traballadores están dispostos a levar a folga de fame até as últimas consecuencias para demostrar que a razón está da súa parte e para demandar o súa readmisión no posto de traballo. Entre mentres, Arriva segue sen estar disposta a sentar a negociar.   O mércores 5 de outubro, ás 11:00 horas, comezaba a folga de fame dos dous traballadores de Arriva Noroeste despedidos, en demanda da súa readmisión. Os traballadores instaláronse nunha caravana, un diante da Estación de Autobuses de Ferrol e outro na de A Coruña. Os traballadores consideran que esta é a última saída que lles deixa a empresa. Os traballadores están dispostos a levar a folga de fame até as últimas consecuencias para demostrar que a razón está da súa parte e para demandar o súa readmisión no posto de traballo. Entre mentres, Arriva segue sen estar disposta a sentar a negociar. Para Xesús Pastoriza, presidente do Comité de Folga e secretario nacional de Transporte da FGAMT-CIG, é unha irresponsabilidade por parte da Xunta de Galiza non ter mediado no conflito “para conseguir que as partes se senten a negociar sen condicións previas”. Pastoriza tamén considera que a Xunta debería ter velado, como é a súa obriga, “polo bo funcionamento dun servizo subvencionado en algúns traxectos”. O secretario nacional de Transportes da FGAMT-CIG denuncia ademais a política neoliberal de Arriva coa que só se pretende precarizar as condicións do cadro de persoal e os servizos. O inicio desta folga de fame contou coa presenza de practicamente todo o cadro de persoal, en folga indefinida, de representantes comarcais da CIG, tanto en A Coruña como en Ferrol e do propio secretario xeral, Suso Seixo en A Coruña. O deputado Fernando Blanco amosou coa súa presenza a súa solidariedade cos folguistas.

Informacións relacionadas 03/10/2005 Dous dos traballadores despedidos inician folga de fame o mércores 5 Os traballadores da empresa de transportes Arriva comezan folga indefinida 22/09/2005 O seguimento foi do 100% agás os servizos mínimos Reanúdase a folga na empresa de transporte Arriva Noroeste SL 23/07/2005 A FGAMT demanda do bipartito que non se autorice a segregación das liñas de Arriva 21/07/2005 Adebeda aos traballadores a paga extra e as dietas CIG-Transportes de A Coruña advirte do perigo de desmantelamento de Arriva 20/06/2005 Os problemas son maiores na empresa Arriva Noroeste A FGAMT denuncia que o plan de transporte metropolitano na comarca de A Coruña é propaganda 10/05/2005 A patronal imposibilita o acordo para evitar a folga de transporte de A Coruña a partir do 16 de maio 15/01/2005 Xa se perderon 85 postos de traballo ao non substituír aos prexubilados Convocada nova folga en Transportes Arriva para os días 14 e 15 de febreiro

Confederación Intersindical Galega www.galizacig.com ÚLTIMA REVISIÓN: 06/10/2005 cig.informatica

Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apóntate en: http://www.elistas.net/lista/galizacig/alta