Actualidade Santiago, 14 de outubro de 2005 Exixen que o director xeral asuma a responsabilidade de mediar e obrigue a empresa a negociar O Comité de Folga de Arriva péchase na Dirección Xeral de Transportes Ingresa en urxencias un dos traballadores en folga de fame con problemas cardíacos por falta de potasio   CIG-Comunicación- cig.prensa@galizacig.com   Momento no que Ernesto López Rei fala co director xeral de Tramnsportes, mentres ten atrás aos membros do Comité de Foga pechados nas oficinas da Dirección Xeral. (Foto: ©galizacig.com 14/10/2005). Descarga o vídeo. (Formato do vídeo: Windows Media Video [wmv], duración: 6'02'', espacio en disco: 10.550.370 bytes [10 Mb]).   O Comité de folga de ARRIVA, composto por 20 traballadores, ocupou o venres 14 de outubro as oficinas da Dirección Xeral de Transportes para presionar á Administración pública para que acceda a mediar no conflito e obrigue a empresa a negociar. “Non nos queda máis tempo”, di Ernesto López Rei, “un dos compañeiros en folga de fame xa ingresou en urxencias e outro aínda a mantén, co risco que iso ten para a súa saúde”. Os traballadores da empresa de Transportes ARRIVA levan desde o pasado 3 de outubro en folga indefinida, con dous compañeiros en folga de fame desde o día 5 do mesmo mes, en demanda da súa readmisión. Ás 11:30 da mañá do venres 14 de outubro, 20 deles, membros do Comité de Folga, ocupaban a Dirección Xeral de Transportes. Malia o tempo transcorrido desde o comezo do conflito, a empresa négase a negociar e, até o de agora, desde a Dirección Xeral de Transportes non se amosara interese algún por tratar solucionar este conflito, malia as demandas dos folguistas. Ernesto López Rei, secretario comarcal de Transportes da CIG de A Coruña explicaba, xusto antes de entrar nas oficinas do organismo da Xunta que “vimos a ocupar a Dirección Xeral de Transportes porque entendemos que é un dos organismos competentes en materia de transporte e ten a obriga de mediar. Ten que coller á dirección de ARRIVA e sentala a negociar”. Compromiso do director xeral Unha hora despois de comezar o peche, os concentrados recibiron a chamada do propio director xeral, quen accedía a manter unha xuntanza con eles, tras intentar que se pospuxera, por motivos de axenda. O director xeral manifestou a súa contrariedade por non ter recibido previamente unha solicitude de entrevista, pero Ernesto López Rei, que actuou de intermediario, manifestou que “estase poñendo en perigo a vida dos nosos compañeiros e a nós o protocolo parécenos o de menos. Aquí alguén ten que solucionar o problema ou, cando menos, pór os medios para que se cren as condicións que permitan a súa solución”. López Rei explicoulle tamén ao conselleiro que este conflito está afectando a todo o transporte de viaxeiros da metade Norte de Galiza e matizou que “se o director xeral de Transportes non ten nada que dicir a este respecto, non se para que se lle paga”. Os traballadores de ARRIVA recibiron numerosas manifestación de apoio ás súas demandas, entre outras do Comité Intercentros de “Autopistas do Atlántico” composto polas centrais sindicais da CIG, UGT, CCOO e SITA. O director xeral de Transportes reuniuse finalmente co Comité de Folga de Arriva pechado na Dirección Xeral e comprometeuse a mediar no conflicto e a presionar á empresa Arriva para que sente a negociar.

Informacións relacionadas 06/10/2005 O resto do cadro de persoal mantén a folga indefinida Comezou a folga de fame dos dous traballadores de Arriva Noroeste despedidos 03/10/2005 Dous dos traballadores despedidos inician folga de fame o mércores 5 Os traballadores da empresa de transportes Arriva comezan folga indefinida 22/09/2005 O seguimento foi do 100% agás os servizos mínimos Reanúdase a folga na empresa de transporte Arriva Noroeste SL 23/07/2005 A FGAMT demanda do bipartito que non se autorice a segregación das liñas de Arriva 21/07/2005 Adebeda aos traballadores a paga extra e as dietas CIG-Transportes de A Coruña advirte do perigo de desmantelamento de Arriva 20/06/2005 Os problemas son maiores na empresa Arriva Noroeste A FGAMT denuncia que o plan de transporte metropolitano na comarca de A Coruña é propaganda 10/05/2005 A patronal imposibilita o acordo para evitar a folga de transporte de A Coruña a partir do 16 de maio 15/01/2005 Xa se perderon 85 postos de traballo ao non substituír aos prexubilados Convocada nova folga en Transportes Arriva para os días 14 e 15 de febreiro

Confederación Intersindical Galega www.galizacig.com ÚLTIMA REVISIÓN: 19/10/2005 cig.informatica

Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apóntate en: http://www.elistas.net/lista/galizacig/alta