Actualidade Vigo, 14 de outubro de 2005 Concentración o domingo 16 en Compostela O presidente de Venezuela, Hugo Chavez, visita Galiza   CIG-Comunicación- cig.prensa@galizacig.com   Sen dúbida Venezuela, as distintas organizacións que están forxando o cambio, son hoxe un dos procesos que merecen todo o apoio das forzas que, en todo o mundo, loitan a prol da xustiza social, a soberanía, e a solidariedade.   O vindeiro domingo 16 de outubro, o presidente de Venezuela, Hugo Chavez, estará na cidade de Santiago de Compostela, nunha visita privada. Con tal motivo realizarase unha concentración ese mesmo día na praza do Obradoiro, ás 9:45 horas, coa finalidade de manifestar o apoio do pobo galego á Revolución Bolivariana. Venezuela, país no que viven miles de emigrados galegos, está vivindo unha fonda transformación, política, económica e social, dende que Hugo Chavez gañou as eleicións presidenciais no ano 1988. Durante os primeiros anos a oposición das vellas estructuras de poder, o sector empresarial, a cúpula da igrexa e os meios de comunicación privados realizaron unha campaña de desestabilización, que tivo o seu ponto máis álxido no golpe de estado de abril de 2002, e a folga de PDVESA (a empresa estatal de petróleos). Todos estes intentos golpistas fracasaron diante da mobilización popular, e o apoio dun importante sector das forzas armadas ao proceso revolucionario. Nos últimos anos a economía de Venezuela medrou a bo ritmo, o que permitiu recuperar o emprego, dar un pulo aos programas sociais e azos á política exterior alternativa ao ALCA. Sen dúbida Venezuela, as distintas organizacións que están forxando o cambio, son hoxe un dos procesos que merecen todo o apoio das forzas que, en todo o mundo, loitan a prol da xustiza social, a soberanía, e a solidariedade.

Confederación Intersindical Galega www.galizacig.com ÚLTIMA REVISIÓN: 14/10/2005 cig.informatica

Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apóntate en: http://www.elistas.net/lista/galizacig/alta