|
Actualidade
Santiago, 10 de novembro de 2005
Congresos comarcais
A CIG de Lugo renova os seus organismos
de dirección e reelixe a Xosé Ferreiro como secretario comarcal
| |
 |
| Aa nova Executiva Comarcal da Confederación
Intersindical Galega de Lugo queda formada por: Xosé Ferreiro Fernández, Neves Somoza López,
Antonio Niño Saavedra, Xosé Manuel López Pérez, Francisco Villanueva González,
Esther Vila Vázquez e Guillerme Rei Rouco. |
 |
 |
| Entre as conclusións que se tiran do
conxunto do informe cabe destacar o ambiente, cualificado como "hostil" no que se desenvolve o traballo
sindical da CIG na comarca lucense, "cunha patronal moi agresiva co movemento sindical reivindicativo e cuns
sindicatos españois colaboradores con eles".
(Fotos: ©galizacig.com). |
 |
| Francisco Villanueva González. |
 |
| Guillerme Rei Rouco. |
| |
O pasado venres día 4 de novembro celebrábase
en Lugo a Asemblea Comarcal pola que se renovaban os organismos de dirección da CIG na comarca. Para a Secretaría
Comarcal presentábanse dúas candidaturas, a de Xosé Ferreiro, que obtivo 119 votos que o confirmaron
como secretario comarcal reelecto, e a de Francisco Villanueva, que recibiu 70 votos.
Porén, tres candidaturas concorrían
para conformar a nova Executiva Comarcal. Delas, a encabezada por Xosé Ferreiro Fernández obtiña
101 votos; a encabezada por Francisco Villanueva 69 e a encabezada por Guillerme Rouco, 19. Diste xeito, forman
parte da nova Executiva Comarcal da Confederación Intersindical Galega de Lugo:
Xosé Ferreiro Fernández,
Neves Somoza López,
Antonio Niño Saavedra,
Xosé Manuel López Pérez,
Francisco Villanueva González,
Esther Vila Vázquez,
Guillerme Rei Rouco.
Xosé Ferreiro foi o encargado de presentar
o informe de xestión da anterior Executiva. Informe que no propio texto concíbese como "unha
radiografía real da situación e onde queden resaltados todos aqueles aspectos que atinxen á
organización, tanto os máis positivos como os negativos".
Diste xeito, o documento que foi debatido pola
Asemblea, fai un percorrido analítico dos últimos catro anos, avaliando tanto os aspectos internos,
relativos á organización e o seu funcionamento, como os externos, relativos á situación
sociolaboral de Lugo e a problemática que a CIG tivo e ten que enfrontar.
Entre as conclusións que se tiran do conxunto
do informe cabe destacar o ambiente, cualificado como "hostil" no que se desenvolve o traballo sindical
da CIG na comarca lucense, "cunha patronal moi agresiva co movemento sindical reivindicativo e cuns sindicatos
españois colaboradores con eles".
Sublíñase tamén a dificultade
engadida que deriva dun tecido produtivo de pequenas empresas, moi espalladas por toda a comarca, que favorece
que se dean esas condicións hostís.
Unha situación da que derivaron uns resultados,
nas eleccións sindicais, que o propio informe considera negativos e que levaron á Executiva saínte
a facer unha presentación autocrítica do traballo realizado neste aspecto. Diante disto, o informe
propón a "posta en práctica de medidas urxentes para mellorar o sistema organizativo, achegarse
máis á clase traballadora, saír dos locais e controlar mellor este traballo". Tarefa
que se considera "imprescindíbel para saír da situación na que nos atopamos".
En todo caso, os incrementos en afiliación
nos últimos catro anos, dun 20,27% segundo recolle o informe, "teñen unha liña que invita
ao optimismo", ao igual que a "saudábel" situación financeira. Ambos elementos que
permiten "ter a base sólida necesaria para levar adiante as reformas precisas e partir cara a consecución
dos nosos obxectivos".
Unión comarcal de Lugo
Evolución da afiliación
do 2001 ao 2005
Resume de datos |
| |
2001
|
2002
|
2003
|
2004
|
2005
|
| Nº de afiliados/as |
3.585
|
3.809
|
4.081
|
4.183
|
4.312
|
| Incremento absoluto |
|
+224
|
+272
|
+102
|
+129
|
| Incremento relativo (%) |
|
+6,24
|
+7,14
|
+2,50
|
+3,08
|
| Incremento absoluto global |
últimos 4 anos |
+727
|
| Incremento relativo global (%) |
últimos 4 anos |
+20,27
|
| Incremento relativo nacional (%) |
variación na afiliación a nivel nacional |
+28,84
|
 |
|
 |
| Ao Congreso Comarcal de Lugo asistiron, en representación
da Executiva Confederal, o secretario xeral, Suso Seixo, a secretaria confederal de Organización, Chelo
Martínez, o secretario confederal de Emprego, Manuel Currás e a secretaria confederal de Inclusión
Social, Mar Peteira. |
 |
| Na súa intervención de clausura,
Xosé Ferreiro Fernández destacou a necesidade de "estar a pé de obra, máis preto
dos problemas da xente, para evitar que nos pase como a outras centrais sindicais e que nos distanciemos dos problemas
reais". (Fotos: ©galizacig.com). |
 |
| Intervención de Suso Seixo. |
 |
| Descarga
o vídeo. (Formato do vídeo: Windows Media Video [wmv], duración: 3'25'',
espacio en disco: 16.582.774 bytes [15,8 Mb]). Realización: César Caramés. |
| |
Na súa intervención de clausura, Xosé
Ferreiro agradeceu de forma especial o traballo realizado durante estes días por compañeiros que
nin sequera eran congresistas, fixo un chamamento a comezar a, unha vez rematado o proceso congresual, "traballar,
traballar e traballar" e destacou a necesidade de "estar a pé de obra, máis preto dos problemas
da xente, para evitar que nos pase como a outras centrais sindicais e que nos distanciemos dos problemas reais".
O Secretario Comarcal fixo especial fincapé
na importancia que ten que os membros da organización sindical funcionen como un só "porque
o proxecto que a CIG defende meréceo e sobre todo é imprescindíbel, é necesario e meréceo
a clase traballadora galega e neste caso concreto, a da comarca de Lugo".
|
