|
Actualidade
Santiago, 25 de novembro de 2005
Concentración o martes 29 ás
12:00 diante da administración de Santiago
Folga no correo rural os días 28 e 29 de novembro
| |
 |
| Ademais da folga, os carteiros rurais convocan
unha concentración o martes día 29 de novembro, ás 12:00 horas, diante da administración
de Santiago, na rúa Travesía de Fonseca.
(Foto: Concentración
de delegados/as da CIG diante da
Oficina Principal de Correos en Santiago. ©galizacig.com). |
| |
CIG Correos informa da convocatoria de folga
de carteiros rurais para os días 28 e 29 de novembro. A esta convocatoria chégase logo que desde
a dirección de Correos se negaran a negociar ou adoptar medida algunha malia as accións de presión
ás que os traballadores tiveron que recorrer: escritos ao presidente de Correos, recollida de sinaturas
dos afectados, folga
do día 31 de outubro e un peche de
delegados da CIG na oficina principal
de Correos de Compostela que aínda continúa.
CIG-Correos convoca para o luns e martes, 28 e
29 de novembro de 2005 unha folga de carteiros rurais en demanda da actualización dos suplidos por aportación
de vehículo propio para os carteiros rurais, sobre todo logo da brutal suba dos prezos dos carburantes,
e dunha negociación de Correos coas compañías de seguros, cos bancos e cos concesionarios
e fabricantes de vehículos para facilitar e abartar a compra e mantemento dos vehículos utilizados
para prestar o servizo no reparto do correo.
Ademais da folga, os carteiros rurais convocan
unha concentración o martes día 29 de novembro, ás 12:00 horas, diante da administración
de Santiago, na rúa Travesía de Fonseca.
|
