Actualidade Santiago, 15 de novembro de 2005 Peche de delegados de Correos da CIG na Oficina Principal de Santiago   CIG-Comunicación- cig.prensa@galizacig.com   Os delegados da CIG non saben canto durará o peche e están á espera de recibir algunha noticia desde a dirección. Entre mentres, queren que a opinión pública coñeza a lamentábel situación na que se atopa o correo rural en Galiza, e as penurias que soportan os compañeiros que aportan vehículo. (Fotos: ©galizacig.com). Descarga o vídeo. (Formato do vídeo: Windows Media Video [wmv], duración: 3'14'', espazo en disco: 16.502.724 bytes [15,7 Mb]). Realización: César Caramés.   Diante da falta de resposta da Dirección de Correos ás demandas dos carteiros rurais, delegados da CIG de diferentes puntos de Galiza comezaron un peche, na mañá do luns 14 de novembro, á espera de que sexan atendidas as súas reclamacións. Os carteiros rurais demandan a actualización das compensacións polo uso de vehículo propio. Compensacións que levan sen revisar desde principios de 2003 e nas que non se ten en conta a constante suba do prezo dos carburantes. Xosé Blanco, secretario nacional de CIG-Correos, explica que se chegou ao peche logo de que Correos, malia a folga convocada para o pasado día 31 de outubro, non se sentara a negociar. “Demandamos unha resposta inmediata por parte da dirección e que se sente a negociar para atender ás demandas dos traballadores”. Os delegados da CIG non saben canto durará o peche e están á espera de recibir algunha noticia desde a dirección. Entre mentres, queren que a opinión pública coñeza a lamentábel situación na que se atopa o correo rural en Galiza, e as penurias que soportan os compañeiros que aportan vehículo. Ademais, xa adiantaron que se desde Correos non se reacciona, volverán á folga os días 28 e 29 de novembro e os días 2, 3, 4, 5, y 7 de xaneiro de 2006. Tampouco non descartan "endurecer" as medidas se a empresa mantén o seu mutismo.

Informacións relacionadas 01/11/2005 Na comarca de Santiago chegou ao 93% Ampla repercusión da folga de Correos convocada pola CIG coa participación dun 87% dos carteiros rurais 30/10/2005 Convocada folga en Correos para o día 31 de outubro 13/10/2005 Será a primeira dun calendario de mobilizacións que a CIG convoca en solitario cos traballadores Folga en Correos de carteiros rurais o 31 de outubro 19/09/2005 Comezarían folgas de varios días a partir de outubro se non se actualizan os suplidos por aportación de vehículos CIG-Correos anuncia mobilizacións se non se atenden as súas demandas

Confederación Intersindical Galega www.galizacig.com ÚLTIMA REVISIÓN: 17/11/2005 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta