Actualidade Vigo, 2 de decembro de 2005 A CIG entra no Comité de empresa de BOSCH en Vigo cun 41% dos votos   CIG-Comunicación- cig.prensa@galizacig.com   Como dato relevante sinalar que un 60% dos traballadores/as que compoñen o cadro de persoal desta empresa de telemárketing non tiña dereito a voto, xa que teñen contratos de posta a disposición vía Empresas de Traballo Temporal.   O día 30 de novembro celebráronse as eleccións sindicais por ampliación do Comité na empresa de telemárketing Bosch Security Systems en Vigo, nas que a CIG consegue ser a segunda forza, a só un voto de CCOO que ata este momento era sindicato único. Nas eleccións sindicais desta empresa do sector de telemárketing, a maior deste sector en Vigo, a CIG consegue entrar por primeira vez no Comité de Empresa. Ata hoxe o único sindicato con presenza neste órgano de representación era CCOO; desta volta o persoal tivo tres opcións, CIG, UGT e CCOO. O resultado da votación foi o seguinte:   Votos Delegadas Representatividade CIG 57 1 41,0 % CCOO 58 2 41,7 % UGT 24 1 17,3 % Se estas eleccións foran totais en lugar de parciais, con estas votacións o resultado sería de 4 representantes para a CIG, 4 para CCOO e 1 para UGT. Semella claro pois que o comité actual con maioría absoluta de CCOO non conta co apoio dos traballadores/as, que rexeitan a súa inactividade ao longo do ano e medio que leva constituído. Como dato relevante sinalar que un 60% dos traballadores/as que compoñen o cadro de persoal desta empresa de telemárketing non tiña dereito a voto, xa que teñen contratos de posta a disposición vía Empresas de Traballo Temporal. Vigo, 1 de decembro de 2005.

Confederación Intersindical Galega www.galizacig.com ÚLTIMA REVISIÓN: 02/12/2005 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta