|
Actualidade CIG-Comunicación-
A CIG, na Comarca de Pontevedra ten medrado nos últimos catro anos en representación sindical en practicamente un 50%. Malia ese espectacular incremento, Rafa Iglesias afirmaba, na súa intervención de clausura, que “temos que ser ambiciosos” e fixábase como obxectivo no seguinte proceso situar á central sindical nunha representación do 32%. E isto, tendo en conta que “en algunhas federacións xa estamos ao límite, porque hai empresas onde se son tres os delegados, témolos todos”. Para conseguir ese incremento nas eleccións sindicais, o informe de xestión, que foi aprobado con 111 votos a favor e 9 abstencións, apunta medidas concretas a adoptar como: • Facer seguimento de todo o proceso das eleccións. • Preparar listados por empresa, sector e comarca dos delegados e delegadas con mandato vixente e os que xa decaeron. • Facer listados da comarca cruzando os datos que temos de eleccións sindicais feitas nos anos anteriores, afiliación da CIG e empresas de alta na Seguridade Social. • Preparar equipos que empecen desde xa a preparar o proceso electoral e a facer eleccións, buscando a máxima cooperación, para este labor, dos liberados e liberadas institucionais, de gran empresa e por acumulación de horas. • Facer unha valoración sobre aqueles sectores nos que interesa facer un esforzo especial (polas propias características do sector, porque podemos ter a maioría absoluta dos delegados e delegadas na negociación do convenio... • Aproveitar a negociación colectiva, campañas polo emprego e preparación dos plans de agrupación continua para achegarse aos centros de traballo, constituír as seccións sindicais e preparar as candidaturas ás eleccións.
Ese incremento en representación ten que ir acompañado, para o secretario comarcal de Pontevedra, dunha maior fluidez nos procesos de negociación colectiva. Neste sentido, Iglesias explicaba aos delegados asistentes ao Congreso que é necesario superar “unha certa descoordinación” que existe con algunhas federacións da Comarca de Vigo, onde se negocian unha parte importante dos convenios de carácter provincial para “ter a información necesaria, transmitirlla aos afiliados e afiliadas e desenvolver mellor a nosa acción sindical nas distintas empresas”. A respecto da negociación colectiva, no informe da executiva saínte xa se asume o compromiso de incrementar a implicación na negociación dos convenios por parte das diferentes estruturas comarcais “cunha participación activa nas mesas de negociación, unha actividade sindical continua durante a elaboración do anteproxecto, divulgación de información durante a negociación, e posterior avaliación dos resultados acadados”.
Outro dos obxectivos fixados por Rafa Iglesias na súa intervención, é o de reforzar a organización, “un traballo menos lucido pero que a nivel práctico permite obter mellores resultados na relación tanto coa afiliación como cos delegados e delagadas sindicais”. Para iso, a nova executiva asumiu o compromiso de crear o Secretariado Comarcal, formado pola Executiva e os secretarios comarcais das Federacións, como órgano de debate e posta en común do traballo comarcal, ademais de dinamizar as diferentes estruturas federativas e optimizar o traballo do persoal a cargo da central, para unha maior rendibilidade e eficacia. Xunto a isto e aínda que a Executiva Comarcal funciona regularmente, sublíñase a necesidade de mellorala dotándoa dunha maior estabilidade e maior periodicidade nas xuntas.
A candidatura ao Consello Confederal foi ratificada con 119 votos a favor, ningunha abstención e ningún voto en branco. Diste xeito, representarán á Comarca de Pontevedra no Consello Confederal da CIG: Rafael Iglesias García, |
|||||||||||||||
|
|||||||||||||||
|
ÚLTIMA REVISIÓN: 27/12/2005 |
|||||||||||||||
|
