Actualidade / Opinión Santiago, 30 de decembro de 2005 DESDE O VENTRE DA BALEA 2006   Rafa Villar- CIG-Normalización Lingüística O novo ano debería sinalar que o cambio foi posíbel, que a mudanza política que se deu en Galiza vai máis alá dunha simple alternancia de goberno para se converter en algo máis: o inexorábel camiño da Galiza do futuro, a do autogoberno e a soberanía. O novo Estatuto só pode ser iso ou non será.   No fondo aquel repetido berro de Rosa Luxemburgo “socialismo ou barbarie” non hai día que non cobre plena vixencia.   O ano que estes días se ergue sobre os seus propios pés recibe en herdo un mundo de guerras (algunhas esquecidas), de fames e miserias varias e sempre co látego da explotación. Recibe a exclusión de amplas capas sociais e todo un continente á deriva, África. Unha vaga neoliberal asolando o mundo, da que apenas parece querer despertar América Latina. E unha chea de esquecementos. 2006 dá a benvida cunha orde económica e social dramaticamente inxusta, e un imperio disposto a defendela por defender privilexios de clase. Mais tamén, coa resistencia de millares e millares de pobos e de xentes, dispostos a esnaquizar esa orde inxusta e a estabelecer os peares dunha nova arquitectura económica e social para o planeta. Se cadra, na procura de instaurar o “socialismo do século XXI”, porque no fondo aquel repetido berro de Rosa Luxemburgo “socialismo ou barbarie” non hai día que non cobre plena vixencia. Para Galiza, esta vella e agochada nación da extrema Europa, 2006 debería sinalar que o cambio foi posíbel, que a mudanza política que se deu no país vai máis alá dunha simple alternancia de goberno para se converter en algo máis: o inexorábel camiño da Galiza do porvir, a do autogoberno e a soberanía. O novo Estatuto só pode ser iso ou non será. Para nós. Porque é tempo de poñermos proa cara ao futuro. A cousa é que a historia, inexorábel, segue o seu rumbo. Santiago de Compostela, 30 de decembro de 2005.

Rafa Villar, escritor e responsábel do Departamento de Normalización Lingüística da CIG.

Confederación Intersindical Galega www.galizacig.com ÚLTIMA REVISIÓN: 30/12/2005 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta