Actualidade Vigo, 27 de xaneiro de 2006 Respostas e análises do presidente de Bolivia durante a súa estadía galega cunha delegación da CIG e o SLG en abril de 2004 Evo Morales en Galiza   CIG-Comunicación- cig.prensa@galizacig.com   O dirixente do MAS, e hoxe presidente de Bolivia, estivo en abril de 2004 en Galiza. Durante a súa estadía no noso país unha delegación da CIG e o SLG mantiveron con el unha longa entrevista que se gravou, así como a súa intervención posterior nunha conferencia na cidade de Pontevedra. (Na foto, de esquerda a dereita, Evo Morales, Lidia Senra (SLG), X. Ramón Cendán (SLG), Manuel Mera (CIG) e Suso Seixo (CIG). ©galizacig.com). Descarga o vídeo. (Formato do vídeo: Windows Media Video [wmv], duración: 13'37'', espazo en disco: 35.467.912 bytes [33,8 Mb]). Realización: César Caramés.   Bolivia é un país de contrastes, altiplano e chairas, puna e bosque. Maioría indíxena, marxinada do governo político dende a colonización española. Riquezas naturais e a pobreza que abrangue á maioría social. Gobernos represivos e unha longa tradición de loitas, entre as que destacan a dos mineiros durante décadas, aínda que hoxe perderon unha boa parte do seu peso tradicional e hai novos protagonistas sociais. Quen non lembra a masacre de Catavi en decembro de 1942, nesta cidade asinouse en 1952 a nacionalización das minas, porén en 1967 habería unha nova masacre de mineiros na mina Catavi-sigloXX, gobernaba Barrientos, que asumira como presidente en 1966 despois dunhas eleicións fraudulentas. Neste marco o recen elixido presidente Evo Morales pode ser a redención indíxena (e todo aponta neste sentido), recuperando cultura e protagonismo social para esta maioría esquecida e discriminada, ou unha nova frustración política, como aconteceu no seu día co MNR, e hoxe con varios governos de países de América Latina moi próximos na xeografía. Evo Morales é indíxena Aimará, unha das dúas grandes etnias do país, a outra é a quechua. O dirixente do MAS, e hoxe presidente de Bolivia, estivo en abril de 2004 en Galiza. Durante a súa estadía no noso país unha delegación da CIG e o SLG mantiveron con el unha longa entrevista que se gravou, así como a súa intervención posterior nunha conferencia na cidade de Pontevedra. Polo seu interes reproducimos agora parcialmente as súas respostas e análises no vídeo anexo a este limiar.

Confederación Intersindical Galega www.galizacig.com ÚLTIMA REVISIÓN: 27/01/2006 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta