Actualidade Vigo, 21 de xaneiro de 2006 As mobilizacións buscan rematar coa precariedade laboral no sector, as insoportábeis xornadas de traballo e os baixos salarios Éxito da manifestación en Vigo pola negociación do Convenio Galego de Ambulancias   CIG-Comunicación- cig.prensa@galizacig.com   Na mobilización houbo sobre 350 traballadoras e traballadores do sector vindos de toda Galiza, amosando a ampla participación dos afectados polo convenio no proceso negociador, así como a vontade de manter o pulso coa patronal. (Fotos: ©www.galizacig.com 20/01/2005). Descarga o vídeo. (Formato do vídeo: Windows Media Video [wmv], duración: 7'14'', espazo en disco: 18.943.286 bytes [18,0 Mb]).   Como remate aos tres días de folga convocados no sector de Ambulancias polas organizacións sindicais CIG, CCOO e UGT, para presionar nas negociacións do Convenio Galego de Ambulancias, 350 traballadores e traballadoras vindos de toda Galiza participaron o venres 20 nunha manifestación en Vigo. A mobilización partiu ás cinco do serán de fronte ao Hospital Xeral para despois dirixirse pola rúa Pizarro ate a Praza España, na que os manifestantes permaneceron durante vinte minutos para a continuación voltar pola rúa Pizarro ate o cruce con Vázquez Varela. Neste último lugar realizouse unha concentración, na que falaron aos presentes un representante da CIG e outro de CCOO, dado que a presenza da outra central convocante (a UGT) foi mínima, por non dicir nula, nesta mobilización. Na mobilización houbo sobre 350 traballadoras e traballadores do sector vindos de toda Galiza, amosando a ampla participación dos afectados polo convenio no proceso negociador, así como a vontade de manter o pulso coa patronal. Nesta protesta pública contaron co apoio solidario de operarios doutras actividades. Esta manifestación formou parte dos tres días de folga convocados na semana pasada (18,19 e 20 de xaneiro) durante os que se fixeron concentracións e mobilizacións en varias cidades galegas. As reivindicacións que as centrais sindicais están plantexando na mesa de negociacións á patronal do sector teñen como eixo rematar coa: a alta taxa de precariedade laboral, as insoportábeis xornadas de traballo e os baixos salarios.

Informacións relacionadas 20/01/2006 A CIG denuncia a detención “ilegal” de Ernesto López Rei Éxito rotundo da folga de ambulancias 05/01/2006 Demandan condicións salariais dignas e horarios racionais Convocada folga de ambulancias para os días 18, 19 e 20 de xaneiro

Confederación Intersindical Galega www.galizacig.com ÚLTIMA REVISIÓN: 21/01/2006 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta