Actualidade Santiago, 11 de febreiro de 2006 A paralización do vehículo provocou a desatención temporal dun servizo fundamental para a poboación A detención do condutor da ambulancia medicalizada en A Coruña foi unha imprudencia da policía   CIG-Comunicación- cig.prensa@galizacig.com   O seguimento da folga volveu ser masivo nesta segunda xornada. Nas sete cidades, sobre as que pivota o 90% da actividade sanitaria de Galiza o paro foi do 100%, polo que a CIG entende que se pode cualificar a convocatoria de “éxito rotundo”. (Foto: ©www.galizacig.com).   A CIG denuncia que a detención do traballador dunha ambulancia medicalizada, das dúas que estaban de servizo na cidade de A Coruña, foi unha imprudencia por parte da policía. Ernesto López Rei asegura que o traballador, acusado de pinchar unha roda, non estaba facendo absolutamente nada. Porén a policía coa súa detención obrigou á paralización do vehículo e á desatención temporal dun servizo fundamental para a poboación. O secretario comarcal da Federación de Transporte da CIG, Ernesto López Rei, considera que coa detención deste condutor a policía tiña a intención de criminalizar aos traballadores do sector, deslexitimar a folga e aplicar unha medida exemplarizante para reatraer aos folguistas para non participaren nos piquetes. O máis grave, segundo López Rei, é que coa paralización “absolutamente inxustificada do vehículo”, que quedou sen condutor até que se atopou a outro, paralizouse tamén o servizo de atención aos doentes coruñeses. Nese momento en A Coruña só operaban dúas ambulancias equipadas para casos que precisan atención médica inmediata e a outra estaba atendendo un caso urxente. Éxito da folga O seguimento da folga volveu ser masivo nesta segunda xornada. Nas sete cidades, sobre as que pivota o 90% da actividade sanitaria de Galiza o paro foi do 100%, polo que a CIG entende que se pode cualificar a convocatoria de “éxito rotundo”. Diante desta participación, López Rei agarda que a patronal reaccione e sente a negociar para mellorar dunha vez por todas as condicións laborais e salariais.

Informacións relacionadas 10/02/2006 En febreiro os días 9, 10, 13, 14, 23, 24, 27 e 28 Comeza unha nova convocatoria da folga de ambulancias cun seguimento masivo 22/01/2006 As mobilizacións buscan rematar coa precariedade laboral no sector, as insoportábeis xornadas de traballo e os baixos salarios Éxito da manifestación en Vigo pola negociación do Convenio Galego de Ambulancias 20/01/2006 A CIG denuncia a detención “ilegal” de Ernesto López Rei Éxito rotundo da folga de ambulancias 05/01/2006 Demandan condicións salariais dignas e horarios racionais Convocada folga de ambulancias para os días 18, 19 e 20 de xaneiro

Confederación Intersindical Galega www.galizacig.com ÚLTIMA REVISIÓN: 11/02/2006 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta