|
Actualidade
Vigo, 3 de febreiro de 2006
Celebración do IV Congreso
da Federación de Banca, Aforro, Seguros e Oficinas da CIG na cidade de Vigo
| |
 |
| “30 anos, seguimos na loita”, IV Congreso Nacional
da Federación de Banca, Aforro, Seguros e Oficinas da CIG. |
| |
Baixo o lema “30 anos, seguimos na loita” o
vindeiro sábado 4 de febreiro, 160 sindicalistas de toda Galiza están convocados/as a participar
no IV Congreso Nacional da Federación de Banca, Aforro, Seguros e Oficinas da CIG, que terá lugar
na cidade de Vigo. Esta central sindical é maioritaria na Banca, nas Caixas de Aforros e no sector de Oficinas
e Despachos a nivel galego.
Neste Congreso a representación dos afiliados/as
deberá elixir ao Secretario/a Nacional da Federación, así como aos/ás integrantes da
Executiva Federal. Debaterase o informe de xestión dos últimos catro anos, no que se destaca o resultado
das pasadas eleccións sindicais, nas que a CIG quedou como primeira forza nestes sectores, así como
o medre de afiliación que foi superior ao 33%, permitindo marcarse o obxectivo dos 4.000 afiliados/as a
curto prazo.
Afondarase tamén sobre a situación
laboral e sobre a acción sindical a desenvolver pola CIG no sector financeiro, no sector de Oficinas e no
sector do Telemárketing nos vindeiros catro anos.
Está prevista a presenza de delegacións
dos sindicatos vascos ELA e LAB, e da Intersindical-CSC dos Países Cataláns. De Portugal está
confirmada a asistencia da Comissao de Trabalhadores do BBVA e do STEC (Sindicato dos trabalhadores das Empresas
do Grupo Caixa Geral de Depósitos).
A celebración do IV Congreso coincide co
30 aniversario da fundación da UTBG (Unión dos Traballadores da Banca da Galiza) no ano 1976, o primeiro
sindicato nacionalista e de clase no sector financeiro galego que foi o xermolo do que hoxe é a Federación
de Banca da CIG.
Horario das sesións congresuais
| 09:30-10:30 |
Recepción congresistas e convidados/as.
Entrega credenciais. |
| 10:30-10:45 |
Comezo das sesións congresuais.
Saúda do secretario comarcal da CIG-Vigo. |
| 10:45-11:30 |
Debate e votación do Regulamento. |
| 11:30-12:00 |
Informe da Executiva e do Secretariado Nacional. |
| 12:00-12:30 |
Debate e votación do Informe. |
| 12:30-12:45 |
Elección da mesa Presidencial.
Dimisión da Executiva Nacional e dos representantes da Federación no Consello Confederal. |
| 12:45-14:00 |
Relatorio de Organización e Estatutos.
Debate e votación. |
| 14:00 |
Inicio do prazo de presentación das Candidaturas. |
| 14:00-16:00 |
Xantar. |
| 16:00-16:15 |
Remate do prazo de presentación das Candidaturas. |
| 16:15-17:30 |
Relatorio de Acción Sindical.
Debate e votación. |
| 17:30-18:30 |
Elección de órganos e cargos:
-Executiva Federal.
-Secretario/a Nacional.
-Representantes da Federación no Consello Confederal. |
| 18:30 |
Resolucións especiais. |
| 19:00 |
Acto de clausura. |
|
