|
Actualidade CIG-Comunicación-
Ese acto será o punto de partida dunha intensa campaña en lembranza da nosa historia e nomeadamente dun século, o XIX, case descoñecido pero imprescindíbel para entender o noso presente, sempre tendo como eixo o acontecemento de 1856. De feito, a CIG xa ten editado 10.000 encartábeis para a súa distribución inmediata. Ao xantar asistirá o Consello Confederal da CIG en pleno e unha ampla representación dos Comités Abertos de Faculdade. Xunto a eles compartirán mesa representantes de máis de vinte asociacións de carácter social e cultural, persoeiros do mundo da cultura, da Economía, das artes, representantes do medios de comunicación e da política, como a conselleira de Cultura, Ánxela Bugallo, ou o concelleiro de Cultura de Santiago, Néstor Rego. Un amplo espectro da sociedade galega, co que se pretende revivir aquel acontecemento histórico. Tras do xantar, ás 19:30 horas, terá lugar na Galegría Sargadelos de Santiago de Compostela, unha charla a cargo de Bieito Alonso, na que o historiador presentará “Unha ollada en perspectiva do Banquete Democrático de Conxo”. Xa está en marcha ademais, desde a Fundación para o Estudo e a Divulgación da cuestión Social e Sindical en Galiza (FESGA), a preparación dun documental que abrangue desde principios do século XIX até comezos do XX, coas Irmandades da Fala. Xunto a isto, FESGA está a elaborar 12 paneis alusivos á época que serán expostos nos locais da CIG de todo o país, dos que está previsto facer copias para expor tamén entre aquelas entidades que estean interesadas. Alén diso, trabállase nun libro no que se analiza o século XIX e aqueles acontecementos máis salientábeis, como a insurrección liberal de 1846, entre outros.
|
|||||||||||
Informacións relacionadas
|
|||||||||||
|
|||||||||||
|
ÚLTIMA REVISIÓN: 25/02/2006 |
|||||||||||
|
