Actualidade Santiago, 9 de febreiro de 2006 O preacordo alcanzado retrasará a efectivización dos despidos Desconvocada a folga de Masa Galicia   CIG-Comunicación- cig.prensa@galizacig.com   Entre os días 18 e 26 de xaneiro a Dirección da empresa Masa Galicia S.A. celebraba varias xuntanzas co Comité de Empresa para comunicarlle aos seus membros que como consecuencia da redución de carga de traballo na Mina de Meirama ía proceder a extinguir a relación laboral de aproximadamente 30 traballadores. (Foto: ©galizacig.com 07/02/2006).   (Foto: Aspecto da mina a ceo aberto de lignito de Meirama en 2002).     O pasado 7 de febreiro Comité de Folga e representantes da empresa Masa Galicia S.A. chegaban a un precaordo que poñía fin, cando menos até o 27 de marzo, á folga indefinida. No preacordo recóllese o compromiso da suspender por un período dun mes as extincións de contratos, de forma que non se farán efectivas até, como mínimo o 31 de marzo. Entre os días 18 e 26 de xaneiro a Dirección da empresa Masa Galicia S.A. celebraba varias xuntanzas co Comité de Empresa para comunicarlle aos seus membros que como consecuencia da redución de carga de traballo na Mina de Meirama, afectando aos contratos subscritos coa empresa Soluziona Operación y Mantenimiento S.A., ía proceder a extinguir a relación laboral de aproximadamente 30 traballadores. O propio 26 de xaneiro presentábase a convocatoria de folga indefinida reivindicándose, entre outras, un plan de viabilidade para o futuro do cadro de persoal de Meirama que “contemple o mantemento de todos os postos de traballo” e a aplicación dos coeficientes redutores. A folga indefinida daba comezo o 6 de febreiro. Ese mesmo día o Comité de Folga, co ánimo de desconvocala solicitaba da Empresa que deixara en suspenso as extincións previstas e se incorporara á mesa constituída para tratar os problemas do sector. Tras de analizar a proposta, representantes de Masa Galicia S.A. e Comité de Empresa chegaban a un preacordo no que se recolle: 1. As previstas existincións de contratos suspéndense por un período dun mes, de forma que a súa efectividade non sexa antes do 31 de marzo. 2. Que a empresa, en caso de ser convidada, asistirá á Mesa constituída. 3. A Empresa comprométese a facer entrega dos certificados de permanencia na Mina até o 31 de decembro de 2005, a solicitude dos traballadores. 4. Que o Comité de Folga comprométese a suspender a folga a partir das 6:45 do día 8 de febreiro, até o 27 de marzo.

Informacións relacionadas 07/02/2006 Ante a pretensión da Empresa de despedir a 30 traballadores Folga indefinida de Masa Galicia na mina de Meirama

Confederación Intersindical Galega www.galizacig.com ÚLTIMA REVISIÓN: 09/02/2006 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta