Actualidade Santiago, 24 de febreiro de 2006 Con concentracións no Hosiptal Clínico e diante da Consellaría de Sanidade en Compostela Rachan as negociacións do sector de ambulancias e reinícianse as mobilizacións   CIG-Comunicación- cig.prensa@galizacig.com   Polo que respecta aos horarios, os traballadores están facendo xornadas maratonianas que ninguén controla e non teñen sequera recoñecido o dereito á hora da comida. A situación é peor para os que desenvolven a súa actividade en urxencias. Nese caso poden facer xornadas seguidas de 24 ou 48 horas. (Foto: Xornada de folga o 18 de xaneiro en Vigo. ©www.galizacig.com).   Tras rachar as negociacións coa patronal para a negociación do convenio colectivo galego do sector de ambulancias, adiántase a posibilidade dunha inminente convocatoria de folga indefinida. Polo momento, o xoves 23 de febreiro celebrouse unha concentración diante do Hospital Clínico, pola mañá, e outra concentración con corte de tráfico diante da Consellaría de Sanidade pola tarde. Coa concentración e o corte de tráfico, os traballadores pretendían presionar á conselleira de Sanidade para que medie na negociación, visto que a posibilidade de chegar a un acordo coa patronal está en punto morto. A súa intención era que unha delegación entrara a falar coa titular da consellaría, pero a policía impediu o paso. Xesús María Pastoriza, responsábel nacional de Transportes da CIG, explica que polo momento a posición da conselleira é a de “eludir o tema. Temos constancia de que se entrevistou cos empresarios, pero aos sindicatos non nos quixo recibir”. Na xuntanza celebrada coa patronal o pasado mércores 22 de febreiro, os empresarios aseguraron que a proposta económica que presentaban era o tope até o que podían chegar e que o estaban facendo sen ningunha garantía económica. Neste sentido, Pastoriza considera que desde a Administración terían que liberar máis cartos para que se puideran atender as demandas económicas do sector. Demandas sociais En todo caso, o feito de que as propostas da patronal se limiten ao aspecto económico abre outra brecha que distancia aínda máis as posicións de empresarios e sindicatos. Pastoriza sinala que alén das melloras económicas é imprescindíbel chegar a acordos canto a control de horarios e saúde laboral. Polo que respecta aos horarios, os traballadores están facendo xornadas maratonianas que ninguén controla e non teñen sequera recoñecido o dereito á hora da comida. A situación é peor para os que desenvolven a súa actividade en urxencias. Nese caso poden facer xornadas seguidas de 24 ou 48 horas. Canto á saúde laboral, Xesús María Pastoriza salienta a importancia que ten para todos os sectores en xeral, e especialmente para un como este a seguridade e a saúde laboral, xa que se traballa con enfermos. Incremento salarial Os traballadores demandan que se recoñeza en convenio o dereito ao plus de compensación de horarios e unha terceira paga extra. A patronal estaría disposta a pór 630 euros en tres anos, en compensación por non ter subido os salarios no ano 2005. Porén, non está disposta a asumir que se recolla en convenio o dereito á terceira paga extra, malia os sindicatos demandar que unha vez se teña compensado esa cantidade, se cree esa paga.

Informacións relacionadas 11/02/2006 A paralización do vehículo provocou a desatención temporal dun servizo fundamental para a poboación A detención do condutor da ambulancia medicalizada en A Coruña foi unha imprudencia da policía 10/02/2006 En febreiro os días 9, 10, 13, 14, 23, 24, 27 e 28 Comeza unha nova convocatoria da folga de ambulancias cun seguimento masivo 22/01/2006 As mobilizacións buscan rematar coa precariedade laboral no sector, as insoportábeis xornadas de traballo e os baixos salarios Éxito da manifestación en Vigo pola negociación do Convenio Galego de Ambulancias 20/01/2006 A CIG denuncia a detención “ilegal” de Ernesto López Rei Éxito rotundo da folga de ambulancias 05/01/2006 Demandan condicións salariais dignas e horarios racionais Convocada folga de ambulancias para os días 18, 19 e 20 de xaneiro

Confederación Intersindical Galega www.galizacig.com ÚLTIMA REVISIÓN: 24/02/2006 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta