Actualidade Santiago, 22 de febreiro de 2006 Xornada da CIG no Día da Muller Traballadora   CIG-Comunicación- cig.prensa@galizacig.com   No día a día seguen a asignarse roles e comportamentos diferentes aos homes e ás mulleres, algo que a linguaxe reflexa fielmente e que inflúe negativamente no avance da igualdade de oportunidades. (Ilustración: Portada da guía “A linguaxe fainos iguais”, plan estratexia marco comunitaria sobre a igualdade entre homes e mulleres 2001-2005, elaborada coa participación da CIG como parte do proxecto Compás-Equal A.D. Área Metropolitana de Vigo).   Con motivo da celebración do Día Internacional da Muller Traballadora, a CIG celebrará un Acto Nacional o día 7 de marzo que consistirá nunha Xornada promovida pola Secretaría Confederal da Muller, Servizos Sociais e Medio Ambiente, “dirixida a 25 compañeiras e compañeiros de todas as Comarcas da Confederación, especialmente a quen teñan responsabilidades en negociación colectiva”. A Confederación Intersindical Galega aproveitará o marco desta xornada para difundir o emprego dunha linguaxe con perspectiva de xénero. Así o argumenta Elvira Patiño Ogea, secretaria confederal da Muller da CIG, nunha carta na que presenta este foro de debate e reflexión colectiva: “Baixo o lema Nomear en feminino evita discriminacións no traballo pretendemos achegar unha serie de recomendacións co fin de revisar a linguaxe que empregamos tanto na documentación administrativa, como na revisión dos convenios as persoas que formamos parte da central sindical. Conscientes de que a pesar dos avances que se produciron e que se están a producir, no día a día seguen a asignarse roles e comportamentos diferentes aos homes e ás mulleres, algo que a linguaxe reflexa fielmente e que inflúe negativamente no avance da igualdade de oportunidades, creemos que só a través da socialización e da coeducación desde idades moi temperás podemos acadar o cambio. Mentres tanto, é preciso ir introducindo a perspectiva de xénero na negociación colectiva, mediante a introducción de melloras en materia de conciliación da vida familiar e laboral, e mediante a diferenciación da problemática de xénero na protección da saúde laboral das e dos traballadores”. Curso de Relacións Laborais no actual marco económico Xornada 25 persoas Ambito: Nacional. Dirixida a: homes e mulleres. Horas do curso: 10 horas a distancia e 6 presenciais. Data da xornada: 7 de marzo. Lugar: Local Nacional da CIG en Compostela. Inicio do curso a distancia: 1 de marzo. Programa Hora Actividade 10:00–11:00 Socializacion e cooeducacion, por Margarida Corral. 11:00-12:00 Guía da linguaxe non sexista, por Margarida Corral. 12:00-12:30 Pausa 12:30–14:00 Conciliacion da vida laboral e familiar, por Xaime Cabeza, catedrático da Universidade de Vigo. 14:00 Xantar 16:00–18:00 Saude laboral e negociación colectiva na perspectiva de xénero, por Fernando Solla. Distribúense as 25 prazas proporcionalmente entre as Unións Comarcais, resultando o seguinte reparto: A Coruña 4 asistentes, Ferrol 3 asistentes, Compostela 4 asistentes, Lugo 2 asistentes, A Mariña 1 asistente, Pontevedra, 2 asistentes, Vigo 7 asistentes, e Ourense 2 asistentes.

Confederación Intersindical Galega www.galizacig.com ÚLTIMA REVISIÓN: 22/02/2006 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta