Actualidade Vigo, 8 de marzo de 2006 O acto reivindicativo comezará ás 11 da mañá, no marco da campaña “Nomear en feminino evita discriminacións no traballo” A CIG celebrará o 8 de marzo en Vigo cunha marcha de “nomes de profesións en feminino e masculino”   CIG-Comunicación- cig.prensa@galizacig.com   Cartaz da campaña “Nomear en feminino evita discriminacións no traballo”.   A Secretaría de Muller e Servizos Sociais da CIG ten previsto celebrar o Día da Muller Traballadora na Comarca de Vigo cunha asemblea de delegadas e delegados e un acto reivindicativo consistente nunha marcha polas rúas da cidade na que as e os manifestantes portarán carteis con nomes de profesións en feminino e masculino. A xornada do 8 de Marzo comezará cunha asemblea no local da CIG en Gregorio Espino, 47, de delegadas e delegados sindicais na que se explicará a campaña posta en marcha este ano pola Secretaría Confederal de Muller e Servizos Sociais da CIG baixo o lema “Nomear en feminino evita discriminacións no traballo, emprega o A e nomea co A” a prol do emprego dunha linguaxe non sexista. Repartiranse tamén as guías de linguaxe non sexista editadas pola CIG. Ás 11:00 da mañá, farase unha marcha dende o local da CIG que rematará na porta do Sol, na estatua do “Sireno”. As mulleres e homes que participarán nesta marcha levarán carteis alusivos á campaña con distintos exemplos de nomes de profesións en feminino e masculino. Tralo acto reivindicativo haberá unha concentración na que se dará lectura a un manifesto relacionado coa campaña da CIG “Emprega o A e nomea co A”.

Confederación Intersindical Galega www.galizacig.com ÚLTIMA REVISIÓN: 08/03/2006 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta