ActualidadeVolver a Actualidade


Santiago, 10 de marzo de 2006

Só recibirá 135 dos 195 millóns que lle corresponderían tendo perdido xa 140 no período 1998-2005
A CIG considera que o reparto dos fondos do Plan do Carbón 2006-2012 discriminan a Galiza
 

CIG-Comunicación-

cig.prensa@galizacig.com


  Rotopala mina lignito, clic para aumentar
Rotopala mina lignito, clic para aumentar
En Meirama xa estaba previsto un número importante de despedimentos que foron evitados grazas ás mobilizacións impulsadas pola CIG e hoxe mesmo sóubose do anuncio de despedimento de tres compañeiros de Masa Galicia, auxiliar que traballa en As Pontes. (Fotos: Rotopala para a extracción de lignito na mina de As Pontes).
 
Dos 195 millóns de euros que lle corresponderían a Galiza no Plan do Carbón 2006-2012, só recibirá 135. Xa no Plan anterior a perda fora de 140 millóns de euros, cantidade recoñecida polo propio Ministerio de Industria.

Dos 200 millóns de euros que lle correspondían a Galiza no Plan do Carbón 1998-2005 só se recibiron 64. A CIG agardaba que logo de ter recoñecido o propio Ministerio de Industria a perda deses 140 millóns se compensara a situación no Plan do Carbón 2006-2012.

Porén, co acordo ao que se chegou na Mesa do Carbón, na que só están representados os sindicatos estatais, mantense a discriminación.

O criterio acordado para realizar o reparto foi o de previsión de perda de postos de traballo. Deste xeito, Fermín Paz Lamigueiro, membro da Executiva Confederal da CIG, explica que se sabe que en Galiza se van perder entre a conca mineira de As Pontes e a de Meirama uns 350 empregos no período 2006-2012.

Atendendo a este criterio, corresponderían 195 millóns de euros pero a cantidade que se destinará será de só 135 millóns de euros. Deste xeito, Paz Lamigueiro asegura que se empregaron criterios subxectivos e que, polo tanto, eses 65 millóns que unha vez máis non se destinan a Galiza van parar a outras comunidades.

Tal é así que dos 2.800 millóns a repartir, vanse distribuír case un 60% para Asturias, o 25% para Castela-León e un 4,7% para Galiza.


Xa se están a producir despedimentos

O membro da Executiva Confederal da CIG sinala que en Meirama xa estaba previsto un número importante de despedimentos que foron evitados grazas ás mobilizacións impulsadas pola CIG e hoxe mesmo sóubose do anuncio de despedimento de tres compañeiros de Masa Galicia, auxiliar que traballa en As Pontes.

Diante desta situación Fermín Paz afirma que “estes son os temas que hai negociar nas mesas” e subliña que se non se acadan os acordos necesarios produto da negociación a CIG se verá obrigada a “facer unha convocatoria para a defensa do emprego”.

Neste sentido agarda que se obteñan resultados na recentemente constituída Mesa Galega do Carbón e engade que a discriminación de Galiza na Mesa estatal vén provocada “pola ausencia de organizacións sindicais que defendan realmente os nosos intereses”.

 
 
Informacións relacionadas
09/02/2006 O preacordo alcanzado retrasará a efectivización dos despidos
Desconvocada a folga de Masa Galicia
07/02/2006 Ante a pretensión da Empresa de despedir a 30 traballadores
Folga indefinida de Masa Galicia na mina de Meirama
26/01/2006 No período 1998-2005 tan só recibiu 64 dos 200 millóns que lle correspondían
Galiza discriminada no reparto de fondos mineiros
 
Volver a Actualidade

Volver ao princípio


Ir á páxina de inicio
Confederación Intersindical Galega
www.galizacig.com

ÚLTIMA REVISIÓN: 10/03/2006
cig.informatica


 

web-espello en www.galizacig.org
e
www.galizacig.net (mirrors)


Para estar ao día da actualidade sindical en Galiza, subscríbete á lista de correo da CIG e recibe puntual notificación das
novas informacións, artigos, documentos, publicacións, convenios colectivos... que ofrece a CIG na sua páxina web galizacig.com.

Apúntate en: http://www.elistas.net/lista/galizacig/alta