Actualidade Vigo, 1 de marzo de 2006 Organizacións sindicais de 20 países europeos acudiron á convocatoria realizada pola ONG “Cuba Solidarity Campaign” A CIG participou na primeira Conferencia Sindical Europea en solidariedade con Cuba e América Latina   CIG-Comunicación- cig.prensa@galizacig.com   Pola primeira vez unha parte moi significativa e importante do movemento sindical europeo se involucra conxunta, directa e publicamente nun acto solidario con Cuba e o seu proceso revolucionario.   Un extraordinario éxito participativo e político obtivo a iniciativa que se celebrou en Londres (Reino Unido) neste pasado fin de semana, cuxa promoción e organización correeu a cargo da organización non gubernamental “Campanha de solidariedade con Cuba-CSC”. A entidade organizadora, CSC, é unha ONG formada e financiada caseque ao 100% por diversos sindicatos integrantes do TUC, entre eles algúns dos máis importantes do Reino Unido: Amicus, Unison, TGWU, PCS, GMB, USDAW, RMT, CWU. Participaron na Conferencia arredor de 250 persoas en representación de organizacións sindicais de Alemanha, Bélxica, Chipre, Dinamarca, Eslovaquia, Eslovenia, Estado español, Francia, Galiza, Grecia, Irlanda, Italia, Noruega, Polonia, Portugal, Reino Unido, Rusia, Suecia, Suíza e Turquía. A delegación máis numerosa estivo formada, naturalmente, por británicos pertencentes a moitas das organizacións membros do TUC–Trade Unions Congress, central sindical única do Reino Unido. Entre os oradores que protagonizaron as tres sesións plenarias cabe destacar a John Monks (actual secretario xeral da Confederación Europea de Sindicatos e anterior secretario xeral do TUC), Kleiv Fiskvik (presidente de LO–Noruega), Gloria Mills e Brendan Barber (presidenta e secretario xeral, respectivamente, do TUC-Reino Unido) e Florival Lança (secretario internacional da GGTP/IN-Portugal). Pola primeira vez unha parte moi significativa e importante do movemento sindical europeo se involucra conxunta, directa e publicamente nun acto solidario con Cuba e o seu proceso revolucionario. E faino, ademáis, nun contexto político internacional no que os Estados Unidos incrementan as agresións desetabilizadoras contra Cuba implementando un chamado “Plano para unha transición Cuba” e mentres a Unión Europea non se decide a eliminar definitivamente as sancións impostas a Cuba. É de destacar tamén a participación activa de John Monks pois a súa presenza supón un apoio implícito da Confederación Europea de Sindicatos a esta Conferencia. A iniciativa desta Conferencia deséñase, organízase e realízase nun momento no que o panorama sindical internacional está sufrindo importantes modificacións organizativas. Por iso, a presencia de organizacións sindicais de todo o espectro organizativo mundial ten tamén unha significación que vai máis alá da mera presencia física. En definitiva, un grande éxito político que ven a poñer un importante broche final ao mandato de Pedro Ross como secretario xeral da Confederacón de Traballadores de Cuba-CTC.

Confederación Intersindical Galega www.galizacig.com ÚLTIMA REVISIÓN: 01/03/2006 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta