Actualidade Vigo, 24 de marzo de 2006 A Dirección tense atopado cunha resistencia inesperada na implantación dunha agresiva política laboral e comercial Rebelión sindical no Banco Gallego: Nin tardes, nin presión, dereitos laborais   CIG-Comunicación- cig.prensa@galizacig.com   Na asemblea de traballadores e traballadoras do Banco Gallego do día 21, o persoal tomou varios acordos de xeito case unánime, para facer fronte á política de imposición e presión emprendida pola empresa. (Foto: ©galizacig.com 21/03/2006).   O martes 21 de marzo tivo lugar en Compostela unha asemblea nacional de traballadores e traballadoras do Banco Gallego na que o persoal acordou facer fronte ás medidas de imposición e presión emprendidas pola empresa, atopando esta unha resistencia inesperada na implantación dunha agresiva política laboral e comercial. O pasado 21 de marzo, 108 persoas, das que 77 son apoderados/as, participaron nunha asemblea nacional de traballadores e traballadoras do Banco Gallego celebrada polo serán en Compostela. Nesta asemblea, o persoal tomou varios acordos de xeito case unánime, para facer fronte á política de imposición e presión emprendida pola empresa. En primeiro lugar acordouse a non asistencia a cursos ou reunións de traballo que a empresa convoque polo serán. Así mesmo, decidiuse que se o banco non cambia de política laboral haberá unha renuncia colectiva de poderes (ante notario e medios de comunicación). Por último aprobouse por unanimidade apoiar a mobilización que os sindicatos teñen previsto facer ante a Xunta de Accionistas que o banco ten convocada para o 31 de marzo en Compostela. Ao malestar e ao boicot do persoal, fronte á extensión da xornada laboral e a presión comercial, engádese a sensación de inseguridade despois do último despedimento dun afiliado da CIG.

Confederación Intersindical Galega www.galizacig.com ÚLTIMA REVISIÓN: 24/03/2006 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta