|
Actualidade
Santiago, 25 de abril de 2006
A CIG celebra o Día da Clase
Traballadora con manifestacións en todas as comarcas
| |
 |
| 1º de Maio: Marco Galego de Relacións
Laborais, traballo digno e de calidade, competencias, recoñecemento de Galiza como nación, soberanía. |
| |
A CIG ten convocadas manifestación en
todas as comarcas de Galiza para conmemorar o 1º de Maio, Día da Clase Traballadora. Unha data na que
se centrarán as reivindicacións na consecución do recoñecemento de Galiza como nación
e do dereito de autodeterminación. Ademais demandarase o Marco Galego de Relacións Laborais con plenas
competencias.
Vigo
A mobilización central terá
lugar en Vigo a partir das 12 da mañá, con saída do cruce de Urzaiz coa Doblada. Posteriormente,
ao igual que en outras comarcas, celebrarase un xantar de confraternización na Finca de San Roque, organizado
polo Sindicato Labrego Galego, con produtos galegos. A partir das 17:00 horas continúa a festa cun Concerto
contra a Precariedade, no que actuarán
dous grupos de Vigo e un grupo de pandereteiras.
Pontevedra
Manifestación con saída
ás 12:30 horas da Praza da Ferrería.
Santiago
Manifestación con saída
ás 12:30 horas da Praza Roxa. Posteriormente celebrarase un xantar popular na Carballeira de San Lourenzo.
A Mariña
A manifestación está convocada
para as 12:30 horas en Lourenzá, con saída da Praza Conde Santo e remate na Praza Linares Rivas.
Posteriormente terá lugar un xantar popular organizado polo SLG con produtos de agricultura ecolóxica
dos labregos da comarca.
| |
 |
| En Ferrrol, haberá un xantar popular,
con polbo e churrasco a prezos populares, e un festival de música no que actuarán Os veraneantes,
Sete Raposos Mortos, Servando e Contradança, e Skarnio. |
 |
| Camisetas para o concerto. |
| |
Ferrol
Manifestación con saída,
ás 12:00 horas, dos locais do sindicato na Avenida de Esteiro, e con remate nos Cantóns. Logo haberá
un xantar popular, con polbo e churrasco a prezos populares, e un festival de música no que actuarán
Os veraneantes (de 15:30 a 16:30), Sete Raposos Mortos (de 16:30 a 17:30), Servando e Contradança (de 17:30
a 18:30) e Skarnio (de 18:30 a 19:30). Tamén haberá actividades para as crianzas pola tarde a cargo
de Servando.
A Coruña
Manifestación ás 12:00 horas
con saída da Praza de Vigo.
Lugo
Manifestación ás 12:30 horas
con saída de diante do edificio sindical. Posteriormente terá lugar un xantar popular nunha carpa
instalada ao carón do río, xunto ao edificio feiral.
Ourense
Manifestación ás 12:00 horas
con saída do Pavillón dos Remedios e remate diante da Subdelegación do Goberno. Logo haberá
un xantar de confraternidade na Alameda do Concello.
|
