Actualidade Santiago, 4 de maio de 2006 Malia os intentos de acordo non se achegan posturas coa patronal Éxito rotundo na primeira xornada de folga do Metal da provincia de Pontevedra   CIG-Comunicación- cig.prensa@galizacig.com   A manifestación celebrada en Vigo contou cunha importante participanción, entre 8.000 e 9.000 traballadores/as. (Fotos: ©galizacig.com 03/05/2006). A primeira xornada de folga do Metal da provincia de Pontevedra foi cualificada como un éxito rutundo por parte da CIG. En Vigo o paro acadou o 100% de seguimento, mentres que en Pontevedra superou o 95% podéndose falar de paro total na provincia, agás pequenas empresas nas vilas máis pequenas. A manifestación celebrada en Vigo tamén contou cunha importante participanción, entre 8.000 e 9.000 traballadores/as. Manolo Simón, secretario comarcal do Metal en Vigo, explica que a partir das 8:00 horas os traballadores comezaron a saír en piquetes das diferentes empresas (Barreras, Vulcano...) para concentrarse contra as 11:00 horas diante do Concello de Vigo. De aí partiron en manifestación polas rúas da cidade, aínda que se agarda retrasar a hora de saída de mañá porque moitos dos piquetes procedentes das empresas dos polígonos industriais non puiderorn chegar a tempo para sumarse á marcha. O secretario comarcal do Metal de Vigo sinala tamén que a xornada transcorreu con normalidade, agás “pequenos incidentes provocados pola quentura da situación”. A última hora da tarde de onte celebrouse unha xuntanza para intentar achegar posicións entre patronal e representantes dos traballadores. Xuntanza que rematou sen acordo pola posición inmobilista da patronal.

A xornada de folga do 3 de maio A partir das 8:00 horas os traballadores comezaron a saír en piquetes das diferentes empresas (Barreras, Vulcano...).           Para concentrarse contra as 11:00 horas diante do Concello de Vigo.       De aí partiron en manifestación polas rúas da cidade. (Fotos: ©galizacig.com 03/05/2006).

Informacións relacionadas 03/05/2006 Afecta a 2.800 empresas e 20.000 traballadores/as desde as 0:00 horas do mércores 3 de maio Comeza a folga indefinida no Metal de Pontevedra

Confederación Intersindical Galega www.galizacig.com ÚLTIMA REVISIÓN: 04/05/2006 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta