Actualidade Santiago, 9 de maio de 2006 A “brutal” carga do luns en Vigo sáldase con 10 feridos, un deles atropelado por un furgón policial, e 13 detidos A CIG denuncia á policía por manter incomunicados durante 8 horas aos traballadores do Metal detidos   CIG-Comunicación- cig.prensa@galizacig.com   A violenta reacción da policía ocorría cando os arredor de 8.000 operarios do Metal se achegaban á Estación do Ferrocarril de Vigo, a onde se dirixían en manifestación tras celebrar diante do Concello unha asemblea, ao igual que viñan facendo desde a primeira xornada de folga. (Fotos: ©galizacig.com 08/05/2006). Como resultado da brutal carga policial que comezou diante da Estación de Ferrocarril de Vigo, 10 traballadores resultaron feridos, dous deles de gravidade, e outros 13 foron detidos. A CIG xa presentou unha denuncia por manter aos detidos incomunicados das 13:30 até as 21:00 horas, momento en que, por fin, permitiron a entrada dos avogados, que solicitaron o Habeas Corpus. As negociacións non se retomarán até que non estean liberados todos os compañeiros. Culatazos, porrazos, pelotazos de goma... Os antidisturbios utilizaron todo o arsenal dispoñíbel para empregarse a fondo contra os traballadores e traballadoras do metal nunha carga policial descrita como “brutal” por todos os presentes. A violenta reacción da policía ocorría cando os arredor de 8.000 operarios do Metal se achegaban á Estación do Ferrocarril de Vigo, a onde se dirixían en manifestación tras celebrar diante do Concello unha asemblea, ao igual que viñan facendo desde a primeira xornada de folga. Porén, desta volta, unha longa fileira de antidisturbios agardaba a súa chegada. Antolín Alcántara, secretario confederal de Negociación Colectiva, que estaba na primeira fila cando comezou a carga, conta que se achegaban ás inmediacións da Estación cando foron detidos por un cordón policial que comezou a empurralos para atrás mentres a masa manifestante continuaba avanzando cara adiante. “Nese intre iniciouse a carga. Cortaron a un primeiro grupo para separarnos. Corrimos escaleiras arriba, fronte a Estación. Ao meu carón déronlle un culatazo a un rapaz en plena cara. Máis adiante déronlle a outro nun ollo cunha pelota de goma. Disparaban a menos de tres metros. A outro desprazárono coa forza dun pelotazo no peito. Fraccionámonos, pero seguiron as cargas por distintas rúas da cidade. Xa na Praza de España un furgón policial atropelou a un compañeiro. Aos outros tres que ían con el deulles tempo de saltar e evitar o atropelo. Aquelo foi unha carnicería”. Resultado desta carga foron os 10 feridos que precisaron de intervención médica e numerosos contusionados. Á noitiña de onte, dous deles continuaban ingresados en estado grave: o que recibíu o impacto da pelota de goma no ollo e o rapaz atropelado pola propia policia. Denuncia e solicitude de Habeas Corpus Ademais dos feridos e contusionados, a policía detivo a 13 dos manifestantes. Alcántara denuncia que “ás 21:00 horas aínda non permitiran ningunha comunicación con eles. Nin sequera ás familias para coñecer o seu estado”. Os avogados solicitaron o ‘Habeas Corpus’, un recurso legal que obriga á intervención inmediata dun xuíz que ten que comprobar se a detención é correcta, se as causas da retención se ateñen á legalidade e se os dereitos dos detidos están garantidos. Alén diso, a CIG presentou unha denuncia por manter aos traballadores incomunicados durante unhas oito horas. Sen negociación mentres non estean todos liberados Ás 17:00 horas estaba previsto que se inciaran as negociacións entre as partes implicadas, patronal e representantes dos traballadores. Dadas as circunstancias a esperada negociación non se chegou a producir. O secretario confederal de Negociación Colectiva da CIG explica que “cando chegaron os representantes da patronal comunicámoslles que nin era o momento, nin se daban as condicións, nin tiñamos a serenidade necesaria para abordar ese proceso. Ademais, as centrais sindicais acordamos non sentarnos a negociar mentres non estean liberados todos os compañeiros”.

Brutal carga policial ...Porén, desta volta, unha longa fileira de antidisturbios agardaba a súa chegada.   Antolín Alcántara, secretario confederal de Negociación Colectiva, que estaba na primeira fila cando comezou a carga, conta que se achegaban ás inmediacións da Estación cando foron detidos por un cordón policial que comezou a empurralos para atrás mentres a masa manifestante continuaba avanzando cara adiante.   “Nese intre iniciouse a carga. Cortaron a un primeiro grupo para separarnos. Corrimos escaleiras arriba, fronte a Estación. Ao meu carón déronlle un culatazo a un rapaz en plena cara. Máis adiante déronlle a outro nun ollo cunha pelota de goma”.   “Disparaban a menos de tres metros. A outro desprazárono coa forza dun pelotazo no peito. Fraccionámonos, pero seguiron as cargas por distintas rúas da cidade”.   Resultado desta carga foron os 10 feridos que precisaron de intervención médica e numerosos contusionados. Á noitiña de onte, dous deles continuaban ingresados en estado grave: o que recibíu o impacto da pelota de goma no ollo e o rapaz atropelado pola propia policia.   “Xa na Praza de España un furgón policial atropelou a un compañeiro. Aos outros tres que ían con el deulles tempo de saltar e evitar o atropelo. Aquelo foi unha carnicería”. Ademais dos feridos e contusionados, a policía detivo a 13 dos manifestantes. Alcántara denuncia que “ás 21:00 horas aínda non permitiran ningunha comunicación con eles. Nin sequera ás familias para coñecer o seu estado”. (Fotos: ©galizacig.com 03/05/2006).

Informacións relacionadas 08/05/2006 A Executiva Confederal da CIG manifesta a súa repulsa pola brutal e indiscriminada actuación policial en Vigo A Executiva Confederal da CIG, en xuntanza celebrada hoxe, día 8 de maio, manifesta a súa total repulsa pola brutal e indiscriminada carga policial que se produciu en Vigo contra os traballadores do Metal en folga pola negociación do convenio colectivo O paro do Ensino será o día 11 de maio en Vigo Galiza Nova solidarízase coa folga do Metal e convoca xunto con CAE e CAF folga xeral no Ensino Galiza Nova vén de remitir un comunicado no que manifesta a súa solidariedade cos traballadores afectados pola folga do metal e anuncia a convocatoria dunha folga xeral para o próximo xoves día 11 de maio, coincidindo coa convocatoria de folga en todo o sector de Metal Unha folga longa e dura, depende Artigo de Manuel Mera (CIG) 05/05/2006 De dilatarse o conflito, os sindicatos anuncian unha folga xeral en toda a provincia Acórdase presentar convocatoria de folga en todo o Metal, incluído o sector do automóbil, en Pontevedra 04/05/2006 Malia os intentos de acordo non se achegan posturas coa patronal Éxito rotundo na primeira xornada de folga do Metal da provincia de Pontevedra 03/05/2006 Afecta a 2.800 empresas e 20.000 traballadores/as desde as 0:00 horas do mércores 3 de maio Comeza a folga indefinida no Metal de Pontevedra

Confederación Intersindical Galega www.galizacig.com ÚLTIMA REVISIÓN: 09/05/2006 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta