Actualidade Santiago, 24 de maio de 2006 Máis de 150 delegados/as de toda Galiza concentráronse diante da sede do Grupo Netaccede, matriz da empresa de Telemárketing CIG Banca manifestouse en Vigo pola readmisión do despedido do Callcenter de Ourense   CIG-Comunicación- cig.prensa@galizacig.com   Ás 11:30 horas do pasado día 22 de maio iniciábase diante da sede do Grupo Netaccede na rúa Colon de Vigo o que sería unha longa mañá de mobilización. (Fotos: ©galizacig.com 22/05/2006) Máis de 150 delegados e delegadas chegadas de toda Galiza concentráronse en apoio ao traballador discapacitado despedido por pegar un cartel da CIG convocando unha asemblea de traballadores/as. Durante a concentración namentres un grupo de compañeiros/as pegaban carteis denunciando o despido, outro grupo repartía un panfleto explicativo a cidadanía, de fondo os berros e pitos do resto dos concentrados. Descarga o vídeo. (Formato do vídeo: Windows Media Video [wmv], duración: 4'57'', espazo en disco: 28.615.354 bytes [27,2 Mb]). Realización: Roi Ribeira. Namentres CCOO e UGT pactan en Madrid o abaratamento do despido, a CIG mobilizouse unha vez mais na rúa contra un despido inxusto. Desta volta a manifestación de apoio ao compañeiro despedido do Callcenter de Ourense tivo lugar en Vigo ante a sede central da empresa. Ás 11:30 horas do pasado día 22 de maio iniciábase diante da sede do Grupo Netaccede na rúa Colon de Vigo o que sería unha longa mañá de mobilización. Máis de 150 delegados e delegadas chegadas de toda Galiza concentráronse en apoio ao traballador discapacitado despedido por pegar un cartel da CIG convocando unha asemblea de traballadores/as. Durante a concentración namentres un grupo de compañeiros/as pegaban carteis denunciando o despido, outro grupo repartía un panfleto explicativo a cidadanía, de fondo os berros e pitos do resto dos concentrados. Posteriormente, malia non estar previsto, as máis de 150 persoas desprazáronse en manifestación polas rúas do centro de Vigo ata a sede central da Caixanova na rúa García Barbon. Esta Caixa de Aforros é accionista do Callcenter de Ourense e o longo dos últimos días dende a CIG-Banca tratouse de involucrar a entidade de aforro na solución dunha saída negociada para o conflito, pero as tentativas foron en van. Dende a CIG acusan a Dirección da Caixanova de mirar para outro lado namentres no Callcenter se producen toda clase de abusos. Unha vez na sede da Caixanova os participantes procederon a concentrarse diante das portas da Entidade, continuando cos berros de protesta en apoio a readmisión do compañeiro e en defensa da liberdade sindical. Neste centro especial de emprego a empresa non aplica o Convenio de Telemárketing, o que máis alá do aspecto retributivo ten consecuencias dende o punto de vista da saúde laboral. As pausas e descansos obrigatorios por este Convenio non se aplican o que aínda é máis grave se falamos de persoal con discapacidades. Os postos de traballo non están adaptados e as condicións do local, non cumpren tampouco o establecido por lei polo que a empresa foi sancionada anteriormente pola Inspección de Traballo, segundo recoñeceu a xefa de Recursos Humanos. A seguinte mobilización está convocada para o vindeiro día 25 de maio, data na que esta previsto o xuízo, sen que isto implique necesariamente que o proceso de mobilizacións remate aí, segundo anuncian dende CIG-Banca.

En manifestación cara Caixanova Posteriormente, malia non estar previsto, as máis de 150 persoas desprazáronse en manifestación polas rúas do centro de Vigo ata a sede central da Caixanova na rúa García Barbon. (Fotos: ©galizacig.com 22/05/2006)   Caixanova é accionista do Callcenter de Ourense e o longo dos últimos días dende a CIG-Banca tratouse de involucrar a entidade de aforro na solución dunha saída negociada para o conflito, pero as tentativas foron en van.   Unha vez na sede da Caixanova os participantes procederon a concentrarse diante das portas da Entidade, continuando cos berros de protesta en apoio a readmisión do compañeiro e en defensa da liberdade sindical.   A seguinte mobilización está convocada para o vindeiro día 25 de maio, data na que esta previsto o xuízo, sen que isto implique necesariamente que o proceso de mobilizacións remate aí, segundo anuncian dende CIG-Banca.

Informacións relacionadas 28/04/2006 Nova mobilización polo despido do Callcenter 07/04/2006 CIG-Banca reclama envíos de correos solidarios Concentración ante o SMAC polo despido do Callcenter 06/04/2006 Concentración no Parque Tecnolóxico para solicitar a readmisión do traballador despedido por pegar carteis da CIG Iniciadas as mobilizacións no Callcenter de Ourense 04/04/2006 A Dirección da Empresa trata de impedir que os traballadores e traballadoras podan ter unha representación sindical Despedimento antisindical no Centro de Atención de Chamadas, S.A., Callcenter 24/03/2006 A empresa coñecida comercialmente como “Call Center” é un Centro Especial de Emprego do Grupo Empresarial Netaccede Traballador despedido por pegar carteis da CIG

Confederación Intersindical Galega www.galizacig.com ÚLTIMA REVISIÓN: 06/06/2006 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta