Actualidade Santiago, 8 de maio de 2006 O paro do Ensino será o día 11 de maio en Vigo Galiza Nova solidarízase coa folga do Metal e convoca xunto con CAE e CAF folga xeral no Ensino   CIG-Comunicación- cig.prensa@galizacig.com   Galiza Nova manifesta a súa solidariedade cos milleiros de traballadores e traballadoras do metal que se veñen mobilizando nas últimas datas dentro do proceso de negociación do seu convenio, “pularemos por extender a solidariedade ao ámbito xuvenil, en particular coa convocatoria, en conxunto coas organizacións estudantís CAE e CAF, dunha folga xeral no ensino na cidade de Vigo para o próximo xoves 11 de maio”. (Foto: Milleiros de traballadores/as do Metal percorreron as rúas de Vigo o venres 5 de maio, terceira xornada de folga, en demanda dun convenio que elimine a precariedade que padece o sector e a alta temporalidade á que se ven sometidos o conxunto dos traballadores. ©galizacig.com 05/05/2006).   Galiza Nova vén de remitir un comunicado no que manifesta a súa solidariedade cos traballadores afectados pola folga do metal e anuncia a convocatoria dunha folga xeral para o próximo xoves día 11 de maio, coincidindo coa convocatoria de folga en todo o sector de Metal. Comunicado de Galiza Nova Ante os acontecementos do día de hoxe en Vigo, Galiza Nova quer mostrar a súa indignación ante un novo episodio de violencia policial e do recurso á mesma de novo nun conflicto laboral. De novo comprobamos como os dereitos e liberdades sufriron nos últimos anos un constante recuar, o que provoca que conflitos sociais e laborais como este rematen frecuentemente do peor xeito posíbel, subsituíndo as mesas de diálogo polos xulgados e as razóns pola forza policial. En todo caso, a criminalización dos conflitos non os soluciona, senón que os agrava. Chamamos á mocidade galega a solidarizarse activamente cos represaliados e a exixir responsabilidades. Galiza Nova manifesta tamén a súa solidariedade cos milleiros de traballadores e traballadoras do metal que se veñen mobilizando nas últimas datas dentro do proceso de negociación do seu convenio; pularemos por extender a solidariedade ao ámbito xuvenil, en particular coa convocatoria, en conxunto coas organizacións estudantís CAE e CAF, dunha folga xeral no ensino na cidade de Vigo para o próximo xoves 11 de maio.

Informacións relacionadas 08/05/2006 Unha folga longa e dura, depende Artigo de Manuel Mera (CIG) 05/05/2006 De dilatarse o conflito, os sindicatos anuncian unha folga xeral en toda a provincia Acórdase presentar convocatoria de folga en todo o Metal, incluído o sector do automóbil, en Pontevedra 04/05/2006 Malia os intentos de acordo non se achegan posturas coa patronal Éxito rotundo na primeira xornada de folga do Metal da provincia de Pontevedra 03/05/2006 Afecta a 2.800 empresas e 20.000 traballadores/as desde as 0:00 horas do mércores 3 de maio Comeza a folga indefinida no Metal de Pontevedra

Confederación Intersindical Galega www.galizacig.com ÚLTIMA REVISIÓN: 08/05/2006 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta