Actualidade Santiago, 10 de maio de 2006 Máis de 10.000 traballadores e traballadoras agardaron diante do xulgado e ocupando as rúas contiguas toda a mañá do martes Reinícianse as negociacións do convenio do Metal tras seren liberados todos os detidos   CIG-Comunicación- cig.prensa@galizacig.com   Desde primeiras horas da mañá, traballadores e traballadoras comezaron a organizarse en piquetes para acudir á asemblea que se celebraba no Concello. (Fotos: ©galizacig.com 09/05/2006). Desta volta e dadas as circunstacias, a cita diante do Concello para participar na asemblea adiantábase ás 10:30 horas. Aos folguistas sumábanse ademais, para mostrar a súa solidariedade, os traballadores dos principais estaleiros vigueses.   Ás tres da tarde do martes 9 de maio quedaban en liberdade, a maioría con cargos, todos os traballadores detidos durante a carga policial do día anterior. Máis de 10.000 traballadores e traballadoras agardaron diante do xulgado e ocupando as rúas contiguas toda a mañá. A carraxe pola actuación dos antidisturbios na xornada anterior contívose e foi substituída por berros de “liberdade, liberdade” ao ver como os compañeiros saían ás pingas das dependencias policiais. A xornada de onte foi especialmente emotiva para os máis de 10.000 traballadores e traballadoras do Metal de Vigo que, desde primeiras horas da mañá, comezaron a organizarse en piquetes para acudir á asemblea que se celebraba no Concello. Emotiva polos incidentes do día anterior, pola carraxe de saber que 13 compañeiros estaban detidos e por saber que algúns dos feridos seguían en estado grave. Desta volta e dadas as circunstacias, a cita diante do Concello para participar na asemblea adiantábase ás 10:30 horas. Aos folguistas sumábanse ademais, para mostrar a súa solidariedade, os traballadores dos principais estaleiros vigueses, que estiveron na rúa cos seus compañeiros até que todos os detidos foron liberados. Desde a Praza do Concello, os traballadores e traballadoras, encabezados polos secretarios xerais das tres centrais sindicais -CIG, CCOO e UGT- percorreron as rúas da cidade en manifestación até as dependencias do xulgado, onde agardaron pacientemente a saída de todos os detidos. Os arredores de Travesas quedaron completamente colapsados pola marea humana que se concentraba en espera da liberación dos compañeiros. A xornada foi longa pero non se produciron incidentes. Desta volta os antidisturbios mantivéronse nun máis que discreto terceiro plano, seguramente conscientes da provocación que suporía a súa presenza logo da violencia demostrada na carga que protagonizaran na xornada anterior. Acusados de desordes A maioría dos apresados saíron con cargos como resistencia a autoridade ou desordes públicas. Algúns deles xa anunciaron que presentarán denuncia contra as forza policiais pola malleira recibida. O máis triste da xornada foi o anuncio de que o rapaz de 22 anos que sufriu o impacto da pelota de goma no ollo, por un disparo da policía, permanece en estado grave e corre o perigo de perdelo. Reinícianse as negociacións Os representantes dos traballadores decidiran, o propio luns, non reiniciar a negociación do convenio do Metal mentres non quedaran liberados todos os compañeiros apresados na xornada anterior. Coa saída do último dos detidos ás tres da tarde acordábase celebrar unha xuntanza coa patronal para as cinco da tarde. A reunión comezou con retraso pero a última hora da noite non se avanzara substancialmente e as partes seguían mantendo posicións diverxentes canto aos contidos do convenio.

10.000 traballadores/as agardaron á liberación dos compañeiros detidos Desde a Praza do Concello, os traballadores e traballadoras, encabezados polos secretarios xerais das tres centrais sindicais -CIG, CCOO e UGT- percorreron as rúas da cidade en manifestación até as dependencias do xulgado, onde agardaron pacientemente a saída de todos os detidos.     Os arredores de Travesas quedaron completamente colapsados pola marea humana que se concentraba en espera da liberación dos compañeiros detidos o luns. Os representantes dos traballadores decidiran, o propio luns, non reiniciar a negociación do convenio do Metal mentres non quedaran liberados todos os compañeiros apresados na xornada anterior.   A xornada foi longa pero non se produciron incidentes. Desta volta os antidisturbios mantivéronse nun máis que discreto terceiro plano, seguramente conscientes da provocación que suporía a súa presenza logo da violencia demostrada na carga que protagonizaran na xornada anterior. (Fotos: ©galizacig.com 09/05/2006).

Informacións relacionadas 09/05/2006 A “brutal” carga do luns en Vigo sáldase con 10 feridos, un deles atropelado por un furgón policial, e 13 detidos A CIG denuncia á policía por manter incomunicados durante 8 horas aos traballadores do Metal detidos O SLG envía un comunicado de repulsa pola brutal carga policial e solidarízase cos traballadores do Metal 08/05/2006 A Executiva Confederal da CIG manifesta a súa repulsa pola brutal e indiscriminada actuación policial en Vigo A Executiva Confederal da CIG, en xuntanza celebrada hoxe, día 8 de maio, manifesta a súa total repulsa pola brutal e indiscriminada carga policial que se produciu en Vigo contra os traballadores do Metal en folga pola negociación do convenio colectivo O paro do Ensino será o día 11 de maio en Vigo Galiza Nova solidarízase coa folga do Metal e convoca xunto con CAE e CAF folga xeral no Ensino Galiza Nova vén de remitir un comunicado no que manifesta a súa solidariedade cos traballadores afectados pola folga do metal e anuncia a convocatoria dunha folga xeral para o próximo xoves día 11 de maio, coincidindo coa convocatoria de folga en todo o sector de Metal Unha folga longa e dura, depende Artigo de Manuel Mera (CIG) 05/05/2006 De dilatarse o conflito, os sindicatos anuncian unha folga xeral en toda a provincia Acórdase presentar convocatoria de folga en todo o Metal, incluído o sector do automóbil, en Pontevedra 04/05/2006 Malia os intentos de acordo non se achegan posturas coa patronal Éxito rotundo na primeira xornada de folga do Metal da provincia de Pontevedra 03/05/2006 Afecta a 2.800 empresas e 20.000 traballadores/as desde as 0:00 horas do mércores 3 de maio Comeza a folga indefinida no Metal de Pontevedra

Confederación Intersindical Galega www.galizacig.com ÚLTIMA REVISIÓN: 10/05/2006 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta