Actualidade Santiago, 3 de xuño de 2006 Haberá mobilizacións en todas as comarcas e unha manifestación nacional a finais de xuño Concentracións en Compostela e Lugo contra a Reforma Laboral   CIG-Comunicación- cig.prensa@galizacig.com   Delegados e delegadas da CIG de Compostela e de Lugo celebraron o 2 de xuño concentracións para manifestar a súa oposición á Reforma Laboral pactada pola patronal, CCOO, UGT e o goberno estatal. (Foto: Concentración diante da Subdelegación do Goberno de Lugo. ©galizacig.com 02/06/2006). (Foto: Concentración na Praza de Galiza de Santiago de Compostela. ©Inácio Pavón 02/06/2006).   Delegados da CIG de Compostela e de Lugo celebraron o venres 2 de xuño concentracións nas súas respectivas cidades para manifestar a súa oposición á Reforma Laboral pactada pola patronal, CCOO, UGT e o goberno estatal. Os 150 delegados e delegadas da CIG que participaron na asemblea convocada pola Unión Comarcal de Compostela manifestaron unanimemente a súa oposición á Reforma Laboral logo de analizar polo miúdo os seus contidos. Ao remate da asemblea, dirixíronse á Praza de Galiza onde despregaron preto de 100 metros de pancartas coas que rodearon a praza, nas que se podían ler lemas alusivos ás graves repercusións que terá para a clase traballadora e para o país esta reforma. Entre outros, recollíanse lemas como: “Con esta reforma laboral os nosos traballos son cada vez máis precarios”, “A máis reforma menos dereitos”, “Non a reforma laboral. Traballo con dereitos”, “Reforma laboral igual a máis precariedade” ou “Subvenciona empresarios e precariza os traballos”. Os traballadores e traballadoras repartiron, durante o tempo no que durou a concentración, uns 3.000 panfletos nos que se explica o alcance da reforma e as repercusións que terá para a clase traballadora. Do mesmo xeito, en Lugo celebraron unha asemblea no local do sindicato, na que participaron uns 75 delegados e delegadas. Tras manifestar o seu rexeitamento á Reforma Laboral trasladáronse até a Subdelegación do Goberno onde se concentraron unhas 300 persoas. Os concentrados corearon consignas en contra desta “contrarreforma” e tamén repartiron panfletos explicativos.   En Lugo celebraron unha asemblea no local da CIG, na que participaron uns 75 delegados e delegadas que manifestaron o seu rexeitamento á Reforma Laboral. (Foto: ©galizacig.com 02/06/2006).   Concentracións en todas as comarcas As concentracións de Compostela e Lugo son as primeiras dunha serie de concentracións que se celebrarán en todo o país, tal e como acordou o Consello Confederal da CIG, para manifestar a oposición da central aos contidos regresivos da Reforma Laboral. As concentracións son, ademais, antesala dunha manifestación nacional que terá lugar a finais de xuño. Próximas asembleas de delegados e concentracións: A Coruña: día 6 de xuño. Carballo: 7 de xuño. Cee: 7 de xuño. Pontevedra: 7 de xuño. A Mariña: 8 de xuño. Vigo: 15 de xuño. Ourense e Ferrol: decidirase no decurso da próxima semana. Os 150 delegados e delegadas da CIG que participaron na asemblea convocada pola Unión Comarcal de Compostela manifestaron unanimemente a súa oposición á Reforma Laboral logo de analizar polo miúdo os seus contidos. (Foto: ©Inácio Pavón 02/06/2006).

100 metros de pancartas contra a Reforma Laboral Ao remate da asemblea, delegadas e delegados dirixíronse á Praza de Galiza onde despregaron preto de 100 metros de pancartas coas que rodearon a praza, e nas que se podían ler lemas alusivos ás graves repercusións que terá para a clase traballadora e para o país esta Reforma Laboral. (Fotos: ©Inácio Pavón 02/06/2006).

Informacións relacionadas 01/06/2006 Balanzo do “Acordo para a Mellora do Crecemento e do Emprego” asinado por CCOO, UGT, CEOE e Goberno estatal Unha nova negociación de costas á clase traballadora 11/05/2006 Beneficia aos empresarios e non soluciona a precariedade laboral nin a temporalidade A CIG rexeita os contidos da Reforma Laboral pactada por CCOO, UGT, patronal e goberno

Confederación Intersindical Galega www.galizacig.com ÚLTIMA REVISIÓN: 03/06/2006 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta